James 2:14 - De Beebaa Dabu

¹⁴ Denga daina, ni haigamaiana aha de hagadaba a tangada bolo ia e dahi ono gai, aagai e dee hagaago mai i ana hegau? E maua e dono gai i de hagamouli ia?

James 2:14 Iomraidhean Croise

Jeremiah 7:8

Tilo, goodou e hagadonu muna hhadu e deai haigamaiana adu gi goodou.

Matthew 5:20

Au e hai adu gi goodou, noo oodou heohi e dee kii ange i heohi o de gau sisi ma denga Pharisee, gai goodou e dee ulu donu i de nohoanga hodooligi o de langi.

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Luke 6:49

Gai tangada e langona agu muna gai e dee daudali ai, e bei dagodo o tangada e hagaduu laa dono hale i honga de gelegele, gai e deai sono dagelo makaga. Gai ga hagahonu age huu de vai ga usu de hale laa, gai gu moolau donu de baguu, gai gu maoha donu ga odi.”

Acts 15:9

Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai.

Acts 8:13

Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.

Acts 8:21

E deai donu sau diba aabe se duuhanga daudahi mai i mee nei, go hiidinga oo lodo e dee heohi i mada luu mada o de Maadua.

Romans 2:25

De tuu dagaholiage e hanu donu ono haigamaiana noo koe e daudali i de hainga; aagai noo koe e oha de hainga, gai doo tuu dagaholiage gu bei donu tee tuu dagaholiage.

1 Corinthians 15:2

Deenei hogi de longo danuaa oodou ne hagamouli ai, noo goodou e hagammahi ga daohi muna aagu gu agoago adu ai goodou — kana deai haigamaiana doodou hagadonusia.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Hebrews 11:17

De gai o Abraham ne hai ga maua e ia i de gaavange Isaac e hai ai ssigidaumaha, i de masavaa a de Maadua ne hagatale ai dono gai. Taane ne gaavee de hagatoo donu laa, ne baba ange donu e sigidaumaha dana dama dagidahi,

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

James 1:16

Denga daina hagamogomogo, goodou gi dee hagasengalia!

James 2:16

gai dahi goodou ga hai ange gi gilaadeu, “Hannoo i de baba, koe gi mahanahana ma de gaimee gi bosu danuaa,” aagai goodou tee gaavange hanu mee e hagadanuaa ai dono angaanga — gai e hanu ai naa haigamaiana o mee nei?

James 2:18

Aagai dahi dangada e hagadaba, “Koe e dahi oo gai; gai au e hanu agu hegau.” Hagaagona mai doo gai e deai laa ono hegau, gai au ga hagaago adu dogu gai i agu hegau.

James 2:26

De angaanga e deai se hagasaalunga iai e magau, e bei ai hogi, de gai e dee hagahai hegau e magau.

2 Peter 1:5

Deenei ai, goodou hagammahi haia gi dagodo tanuaa madali oodou kai, gai tanuaa gi madali de iloo mee;