James 2:13 - De Beebaa Dabu

¹³ Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

James 2:13 Iomraidhean Croise

Genesis 42:21

Gai gilaadeu ne hagataba i olaadeu magavaa, “Ni muna abodonu, gidaadeu gu haisala ange donu gi taadeu daina daane. Gidaadeu ne gidee de duasala ono lodo, i de masavaa aana ne dangidangi mai gi gidaadeu, gai gidaadeu tee hagallongo ange; aanei hiidinga gu duu mai ai nei de hai ngadaa nei gi gidaadeu.”

2 Chronicles 28:11

Gai iainei goodou hagalaangona agu muna! Goodou dugua gi aahe dangada oodou gu noonooa naa ma gu gaamai, go hiidinga de bole laumalie o Tagi Maolunga gu dagodo i oodou elunga.”

Psalm 18:25

Koe e hai hegau i de mee abodonu ange gi tangada e hai hegau i de mee abodonu; koe e hai hegau i de heohi ange gi gilaadeu e heohi.

Psalm 85:10

De aloha ma de hai hegau i de muna abodonu gu hedae ange; gai de heohi ma de baba gu hagadau oso.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Proverbs 22:16

Be goai e vaivai haia tangada hagaau aloha gi kii ange ai dono lava, ma tangada e ngadi gaavange mee gi tangada lava — gilaau ngaadahi e hagaau aloha donu.

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Jeremiah 9:24

aagai tangada e lodo e tuhi, ia gi duuhia dono donu ange ma dana iloo au, gai go au Tagi Maolunga, de ia e abodonu laa, ma de hai hegau i de hagamodu heohi ma de heohi i henua i lalo, go hiidinga aanei mee oogu e malangilangi ai, go Tagi Maolunga e hagadaba.

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Matthew 5:7

E manuuia gilaadeu e llodo aaloha; gilaadeu e kave naa hogi de lodo aloha!

Matthew 6:15

Gai noo goodou e dee degi ange gi haisala o dangada, aagai doodou Damana i de langi e dee degi adu hogi gi oodou haisala.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Luke 6:37

“Goodou gi dee hagamodu ina muna o dahi, gi dee hagamodu ina ai oodou muna. Goodou gi dee hagabuu ina ange ssala gi dahi, gi dee hagabuu ina adu ai ssala gi goodou. Goodou degi ange gi dangada, gi degi adu ai de Maadua gi goodou.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.

Judges 5:27

Sisera ne baguu, ia ne baguu gi lalo, ga dagodo i gaogao luoono vae ga dee ngalue ai; ia ne baguu i gaogao luoono vae, ia ne baguu gi lalo; ia ne baguu gi lalo, gu magau ga dagodo ai.