James 2:10 - De Beebaa Dabu

¹⁰ Go hiidinga tangada e daohia de hainga alodahi, aagai e haisala i dahi damaa mee i lo te hainga, gai ia gu haisala donu i de hainga alodahi.

James 2:10 Iomraidhean Croise

Jeremiah 32:23

Gai de masavaa huu olaadeu ne loomai ga henua ai, gai gilaadeu tee hagallongo adu gi au muna, aabe ne seesee i au hainga; gilaadeu tee hai donu dahi mee daudahi, aau ne tala ange gilaadeu gi haia. Deelaa ai, koe gu hai gi loomai denga hai ngadaa nei alodahi gi gilaadeu.

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

Galatians 5:3

Au e tala hagadonu ange hogi gi tangada e tuu dagaholiage laa, bolo ia e hai donu gi daudali i denga hainga alodahi.

Deuteronomy 27:26

“E malaia tangada e dee hagassula ina muna o de hainga nei ma de hai hegau ai.” Gai dangada alodahi gi hai ange, “Amen!”

James 3:2

E lagolago donu odaadeu mee e haisala ai, gai noo tangada e dee haisala i ana muna e tala, gai ia se dangada gu heohi abodonu, ia gu maua hogi i de dagi dono angaanga alodahi.

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,