James 1:8 - De Beebaa Dabu

⁸ go hiidinga tangada laa e lua lodo ma tee maua i de duu gi makaga i dahi mee daudahi.

James 1:8 Iomraidhean Croise

1 Kings 18:21

Gai Elijah ne humai ga duu i mada i mua o dangada alodahi, ga hai ange, “Dee hee maa taulooloa doodou lodo lagolago? Noo Iahweh go de Maadua, gai goodou daudali ange i de ia; aagai noo Baal go de Maadua, gai goodou daudali ange i de ia.” Gai dangada gu dee mmuu.

2 Kings 17:33

Gilaadeu ne daumaha ange gi Tagi Maolunga, aagai ne daumaha ange hogi gi olaadeu diinonga donu, bei dahulinga a denga huaahenua olaadeu ne gaavee laa aagena.

2 Kings 17:41

Gai dangada o denga huaahenua nei e maatagu i Tagi Maolunga, gai e daumaha ange hogi gi olaadeu diinonga. Gai olaadeu hagadiilinga e duudagi donu huu de hai i mee a olaadeu damana ne hai, ga dae mai ai gi anailaa nei.

Psalm 119:113

Au e kino i gilaadeu e llodo lagolago, aagai au e lodo mmao i dau hainga.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Hosea 10:2

Gilaadeu gu llodo lagolago, gai gilaadeu e hagaduasala naa donu i hiidinga olaadeu baubau. Tagi Maolunga e oha naa olaadeu mommee o ssigidaumaha, ma duludulu o olaadeu diinonga.

Matthew 6:22

“De ganomada go de laama donu o de angaanga. Deenei ai, noo e danuaa luoo ganomada, gai doo angaanga alodahi e maalama;

Matthew 6:24

“E deai donu se dangada e maua i de hai hegau ange gi e dogolua dangada aamua; go hiidinga ia e kino naa i dahi gai e aloha i de ia ange laa, aabe ia e hagapigi ange naa gi dahi gai ga hagangadi mee de ia ange laa. Goodou e dee maua hogi i de hai hegau ange gi de Maadua ma sseene.

James 1:7

Gai tangada lua lodo gi dee hagadaba bolo ia e maua dahi mee daudahi i daho Tagi Maolunga;

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

2 Peter 3:16

Ia ne sisi donu hogi mee nei i lodo ana leda alodahi, ma de basa i dagodo o mee nei. Gai e hanu mee i lodo leda nei e hai ngadaa i taadeu tonu ange aagena, go mee a de gau ssenga ma gilaadeu e llodo lagolago e hagadonu sala, ga hidi mai ai delaadeu daa ga maakau, gai e bei hogi delaadeu hai e hagadonu ai laa muna o de Beebaa Dabu ange laa.