James 1:5 - De Beebaa Dabu

⁵ Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

James 1:5 Iomraidhean Croise

1 Chronicles 22:12

Gai Tagi Maolunga gi haia goe gi maanetonu ma de iloo mee, gai koe ga daohi ai de hainga a Tagi Maolunga doo Maadua i de masavaa aana e hai ai goe gi hodooligi i Israel.

2 Chronicles 1:10

Gaamai gi de au de heiangi ma de iloo mee, gi maua ai e au i de dagi de huaadangada nei, gai goai e bau ange gi de dagi doo huaadangada soa nei?”

Psalm 51:6

Ni muna abodonu, koe e lodo gi dagodo de mee abodonu i de lodo; gai koe agoagona mai ogu lodo i de heiangi abodonu.

Exodus 31:3

gai au gu hhao ia i ssauaa o dogu Hagasaalunga, ma de hina ma de heiangi, ma de iloo mee, aama denga hagadaagangaa hegau alodahi a de labagau e hai.

Exodus 31:6

Gai tilo, au gu hili hogi Oholiab, tama daane a Ahisamak, mai i de aamuli o Dan. Gai au gu gaavange gi daane heiangi alodahi olaadeu hina e hai ai goloa alodahi aagu gu tala adu gi de koe:

Proverbs 8:17

Au e aloha i gilaadeu e aaloha i de au, gai gilaadeu e hagammahi e saalaa au e gidee naa e gilaadeu au.

Matthew 11:20

Gai Iesu ne daamada de hagasee aduhale aana ne hai ai sauaa lagolago, go hiidinga gilaadeu tee daahuli olaadeu lodo.

Mark 16:14

Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

2 Corinthians 2:16

ange gi dahi gidaadeu go nnamu o de magau ange gi de magau, aagai ange gi tangada ange laa gidaadeu go de nnamu o de mouli ange gi de mouli. Gai goai donu e bau ange gi mee nei?

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.