James 1:27 - De Beebaa Dabu

²⁷ Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

James 1:27 Iomraidhean Croise

Psalm 119:1

E manuuia gilaadeu e dee haisala, i delaadeu daudali i hainga a Tagi Maolunga.

Psalm 146:9

Tagi Maolunga e dagitilo de gau henua gee; ia e bale ange de hine gu magau dono bodu ma de gauligi gu deai sono damana, aagai e hai gi dee ssula hagatau a de gau baubau.

Psalm 68:5

De Maadua e noho laa i honga dono mommee dabu, go tamana o denga gauligi gu deai olaadeu damana, gai ia e buibui denga haahine gu maakau olaadeu bodu.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Matthew 12:32

Be goai e daalaa dahi muna e hai baasi ange ai gi Tama a Tangada, gai e tala donu ono haisala, aagai be goai e daalaa hanu muna e hai baasi ange ai gi de Hagasaalunga Dabu, gai e dee tala donu ono haisala iainei, aabe go de masavaa e humai.

Matthew 5:8

E manuuia gilaadeu e gilimalali olaadeu lodo; go gilaadeu e gidee de Maadua!

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Romans 2:13

Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai.

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

Galatians 3:11

Gai iainei gu sula danuaa mai bolo e deai donu se dangada e hagaheohi i daho de Maadua i dono hai hegau i de hainga; go hiidinga, “Tangada heohi e mouli i de gai.”

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Galatians 6:14

Aagai de Maadua e dee dugu mai donu au gi duuhia donu huu au i dahi mee daudahi, aagai au e tuhi donu huu de laagau lui o taadeu Dagi Maolunga go Iesu Klisdo, go de laagau lui oogu ne magau ange ai henua i lalo, ma lodo o henua i lalo.

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

Deuteronomy 14:29

Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

1 Timothy 5:4

Aagai noo de hine gu magau dono bodu, gai e hanu ana dama aabe ni mogobuna, gai gilaadeu gi hai hegau i de hagadubu ina i mua i lodo olaadeu huaabodu donu, ma de sui ange hegau danuaa a olaadeu maadua, go hiidinga de mee nei se mee e hagamalangilangi ina de Maadua.

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

James 3:9

Odaadeu alelo e tuhi taadeu Dagi Maolunga ma Tamana, gai go ia hogi adaadeu hagamalaia ai dangada, ne hai laa ga hagadulagi ange gi dagodo o de Maadua.

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

2 Peter 1:4

i dana gaamai gi gidaadeu denga hagatoo donu hagamogomogo ma de maolunga mmao, gi maua ai e goodou i de kave de dabu o de Maadua, gai goodou gu ola mai i hegau hakino gee o henua i lalo, i hiidinga o denga lodo dee heohi.

2 Peter 2:20

Noo gilaadeu gu ola mai i denga dahulinga hakino gee o henua i lalo, i delaadeu iloo taadeu Dagi Maolunga ma de Ia Hagamouli go Iesu Klisdo, gai gu aahe ange hogi ma gu hai ma de hagadee kii ina i mee nei, gai olaadeu dagodo i de hagaodi gu kii ange de baubau i taamada.

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.