James 1:25 - De Beebaa Dabu

²⁵ Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

James 1:25 Iomraidhean Croise

Psalm 106:3

E manuuia gilaadeu e hai hegau i de hagamodu muna heohi, ma de hai hegau i de heohi i masavaa alodahi.

Psalm 119:32

Au e savini i lo te haiava o au hainga, go hiidinga koe gu hai gi donu danuaa ange au.

Psalm 119:45

gai au e maua naa i de seesee i de ilaage, go hiidinga au e hagaduu ngae ma e daudali i au muna gu hagasauaa.

Proverbs 14:15

Tangada senga e hagadonusia mee alodahi, aagai tangada maanetonu e dagitilo dono hai e seesee ai.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

John 13:17

Noo goodou gu iloo mee nei, gai goodou e manuuia noo goodou e hai hegau ai.

John 8:36

Gai noo Tama e hagailaage goe, gai koe gu ilaage donu.

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

Acts 26:22

Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai:

Romans 11:22

Deenei ai, galo ange diiloo dagodo o de abodonu ma de hagamaatagu o de Maadua: ia e hagamadagu ange gi gilaadeu gu tuu ma gu too, aagai e abodonu adu gi de goe, noo koe e duudagi de noho i lalo dono abodonu. Gai noo e deai, gai koe e tuu donu hogi ga doo.

Romans 2:13

Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai.

Romans 7:12

Deenei ai, de hainga e dabu, gai muna o de hainga e dabu ma de heohi gai e danuaa.

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

2 Corinthians 13:5

Goodou dagidiiloo iho gi danuaa oodou lodo, be goodou e daohi naa huu de gai. Hagataalea ange ma gi diiloo oodou dagodo. Goodou tigi tonu ange naa donu bolo Iesu Klisdo e noho i oodou lodo? Noo e deai, aagai goodou tee maua donu i de daohi de gai.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

1 Timothy 2:15

Aagai de hine e hagamouli i de haanau denga dama — noo gilaadeu e duudagi de daohi de gai ma de aloha, ma de dabu aama de lodo maolalo.

1 Timothy 4:16

Koe gi dagidiiloo iho oo dagodo aama dagodo o au mee e agoago. Koe gi lodo mmahi i de hai mee nei, go hiidinga noo koe e hai mee nei, aagai koe gu hagamouli goe aama gilaadeu e hagalaangona au muna.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

James 2:12

Deenei ai, oodou muna ma oodou hegau gi bei dagodo o dangada e tonu iho laa bolo gilaadeu e hagamodu olaadeu muna i de hainga e haia laa gidaadeu ga ilaage.

1 Peter 2:16

Goodou mouli bei dagodo o dangada e ilaage, aagai goodou gi dee hagahai hegau ina oodou ilaage gi hagamuunia ai oodou hegau baubau, gai gi mouli bei dagodo o de gau hai hegau o de Maadua.

1 John 2:24

Gai goodou daohia mee oodou gu langona mai i taamada. Noo goodou e daohi mee nei, gai goodou e noho i lodo o Tama ma Tamana.

Revelation 14:13

Gai au ne langona dahi leo mai i de langi, e hagadaba, “Siia de mee nei: E manuuia tangada e magau i lodo o Tagi Maolunga mai iainei ga hano ai.” Gai de Hagasaalunga ⌊Dabu⌋ ne hagadaba, “Uaa, gilaadeu e manuuia donu! Gilaadeu e hagammabu naa i alaadeu hegau, gai alaadeu hegau e daudali ange naa donu huu i gilaadeu.”

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

1 Samuel 12:14

Noo goodou e maatagu i Tagi Maolunga ga daumaha ange gi de ia aama de hagallongo ange gi ana muna, ma tee hai baasi ange gi hainga a Tagi Maolunga, gai noo goodou ma de hodooligi e dagina goodou e daudali ange i Tagi Maolunga doodou Maadua — e danuaa.