Isaiah 9:6 - De Beebaa Dabu

⁶ Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Isaiah 9:6 Iomraidhean Croise

2 Samuel 7:13

Go ia e hagaduulia dahi hale e hagadubu ai dogu ingoo, gai au e hai naa dono nohoanga hodooligi gi dagodo ga hano ai.

2 Samuel 7:16

Gai au e hai naa gi dee llilo doo aamuli ma doo nohoanga hodooligi; gai doo nohoanga hodooligi e dagodo naa ga hano ai.’ ”

1 Kings 10:9

Duuhia Tagi Maolunga doo Maadua! Ia ne malangilangi i de goe ma de hai goe gi hodooligi i de nohoanga hodooligi o Israel! Go hiidinga Tagi Maolunga e aloha i Israel ga hano ai, deelaa ai, ia gu hai goe gi hodooligi, gai koe ga hagamodu ai olaadeu muna i de heohi.”

1 Kings 2:33

Gai mee nei gi dau ange gi a Joab ma dono hagadiilinga ga hano ai; aagai Tagi Maolunga gi gaavange gi David ma dono aamuli, ma dono huaabodu, aama dono nohoanga hodooligi de nnoho paba ga hano ai.”

1 Kings 2:45

Aagai de hodooligi go Solomon e hagamanuuia naa, gai de nohoanga hodooligi o David e dagodo naa donu huu ga hano ai i mada luu mada o Tagi Maolunga.”

Nehemiah 9:32

Deenei ai, demaadeu Maadua, go de Maadua maolunga ma de mmahi aama de hagamadagu, go de ia e daohia de hagatoo donu hagaheloongoi o dono lodo aloha, koe gi dee hagangadi mee ina denga hai ngadaa alodahi gu paa nei i gimaadeu, ma omaadeu hodooligi, ma omaadeu dagi, ma omaadeu dangada haimeedabu, ma omaadeu pelaabisi, ma omaadeu maadua aama oo dangada alodahi, mai i de masavaa o denga hodooligi o Assyria ga dae mai ai gi anailaa nei.

Psalm 45:3

Taane mmahi, daulia dau gadilaasa i honga doo dege; gai hakahu ina goe i de mahamaha ma de hagadubu.

Psalm 45:6

De Maadua, doo nohoanga e dagodo ga hano ai e dee ngado mai. De laagau o doo nohoanga hodooligi go de laagau o de hagamodu heohi.

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Psalm 50:1

De Maadua Mmahi Mmao laa, go Iahweh e basa ma de hagahi henua i lalo mai i de sobo age o de laa ga dae ai gi de danu.

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

Psalm 72:3

Denga mounga gi haia gi nnoho paba dangada, gai denga duuduu gi haia mee nei i de heohi!

Psalm 72:7

Gai de mee heohi gi hagadagadaga age i dono masavaa e hodooligi ai, ma de nnoho paba, ga dae ai gi teai se maasina.

Psalm 85:10

De aloha ma de hai hegau i de muna abodonu gu hedae ange; gai de heohi ma de baba gu hagadau oso.

Psalm 89:5

Tagi Maolunga, de langi gi duuhia au hegau hagalele mouli, gai de gau dabu gi duuhia doo hai hegau i de mee abodonu!

Proverbs 8:23

Madagidagi loo gai au gu dahi donu, ma mai i taamada age, aama mai i mua de dahi o henua i lalo.

Isaiah 10:21

Dangada e doe e aahe mai naa, dangada o Jacob e doe e aahe mai naa gi de Maadua Mmahi.

Isaiah 11:5

De heohi e hai naa go dono beele, gai de muna abodonu go de malo e nnoa ai lo tono ungaalodo.

Isaiah 16:5

De nohoanga hodooligi e hagaduu naa i de lodo aloha; gai dahi mai i de hale o David e noho naa ga hodooligi ai, gai ia e hai hegau i de muna abodonu. Ia e ssala naa de hagamodu muna i de heohi gai e moolau dana hagasula de mee heohi.

Isaiah 26:12

Tagi Maolunga, koe gu hai gi nnoho paba gimaadeu; gai go koe gu hagassula mee alodahi amaadeu gu hai.

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Isaiah 28:29

De mee nei ne humai hogi i daho Tagi o denga hagabuulinga hebagi, se ia e haia hagasaele ma de honu i de iloo mee.

Isaiah 32:1

Tilo, dahi hodooligi e dagi naa i de heohi, gai dagi o de henua e dagi naa i de hagamodu heohi.

Isaiah 37:32

Gai e hanu naa donu dangada e doe i Jerusalem, gai e hanu e ola i de mounga go Zion. Go mahi donu o Tagi o denga hagabuulinga hebagi e hagassula ina de mee nei.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Isaiah 53:5

Aagai ia ne hagalagohia i hiidinga odaadeu haisala, ia ne hagammae i hiidinga odaadeu baubau; ia ne hagaduasala gi maua ai e gidaadeu de baba, gai ono maanuga ne hagaieiangi gidaadeu.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 8:18

Tilo, gimaadeu ma dama a Tagi Maolunga gu gaamai gi de au ni hagailonga gai se ada ange gi Israel, mai i daho Tagi o denga hagabuulinga hebagi, go de ia e noho i honga de mounga go Zion.

Jeremiah 31:22

Tamaa hine e dee hai hegau i de mee abodonu, dee hee maa taulooloa doo lua lodo? Tagi Maolunga gu hai dahi hegau hoou i henua i lalo — dahi hahine e duuli naa dahi daane.”

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Haggai 2:9

De mahamaha o de hale nei e hai naa ga laumalie ange i de mahamaha o de hale i mua, go Tagi o denga hagabuulinga hebagi e hagadaba. Gai au e hai naa de mommee nei gi dagodo ai de baba,’ go Tagi o denga hagabuulinga hebagi e hagadaba.”

Matthew 1:1

De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 2:11

Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.

Luke 2:14

“Duuhia de Maadua i de mommee maolunga mmao, gai de baba gi dagodo i henua i lalo, i daho dangada oona e malangilangi ai!”

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:16

Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu.

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

1 Corinthians 15:25

Go hiidinga Klisdo e dagi naa donu ga dae ai gi dana hagadee kii ono hagadaumee alodahi, ga hai gilaadeu gi nnoho i lalo luoono vae.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

Colossians 2:3

Gai go ono daha adaadeu e gide ai de heiangi aama de iloo mee alodahi.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Hebrews 1:8

Aagai ia ne hagadaba i dagodo o dana dama daane, “De Maadua, doo nohoanga hodooligi e dagodo ga hano ai e dee ngado mai, de laagau o doo nohoanga hodooligi go de laagau o de hagamodu heohi.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Judges 13:18

Gai tangada de langi o Tagi Maolunga ga hai ange gi de ia, “Gu aha gu ssili mai ai naa goe dogu ingoo? Gai se ingoo e dee maua gi iloo dono hagadoonunga.”