Isaiah 9:3 - De Beebaa Dabu

³ Koe gu hai gi soa de huaahenua, ma de hai gi kii ange delaadeu malangilangi; gilaadeu e malangilangi i mada luoo mada bei de malangilangi o dangada i de masavaa o de hagihagi, ma de malangilangi o denga daane i de masavaa e vaevae ai goloa e maua i de hebagi.

Isaiah 9:3 Iomraidhean Croise

Nehemiah 9:23

Gai koe ne hai gilaadeu gi hagadili gi soa bei de lagolago o denga heduu i lo te langi, gai koe ne kave gilaadeu ga tae gi de henua aau ne hai ange gi olaadeu dubuna madagidagi gilaadeu gi hulo gi henua ai.

De Beebaa go Job 12:23

Ia e hai denga huaahenua gi maolunga, aama de oha hogi ga maoha; ia e hai ga nnui denga huaahenua, ma de hai gilaadeu gi mavaevae saele.

Psalm 107:38

Ia ne hagamanuuia gilaadeu, gai gilaadeu ne hagadili ga kona de soa; gai ia tee hai gi sogoisi mai alaadeu manu haangai.

Psalm 119:162

Au e malangilangi i au muna, bei dagodo o tangada e maua goloa lagolago i de hebagi.

Psalm 4:7

Koe gu hai gi kii ange de laumalie dogu malangilangi i de malangilangi o dangada i de masavaa e lagolago ai grain ma tau uvaini.

Isaiah 10:26

Gai Tagi o denga hagabuulinga hebagi e hagailiili naa gilaadeu i taula, bei dana hai ne hai ai de gau Midian i de baba o Oreb; gai ia e hagaabo ange naa dono dogo gi honga de vai, bei ana hegau ne hai laa i Egypt.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 14:5

Tagi Maolunga gu hhadi de laagau a tangada baubau, ma togo o denga dagi,

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Isaiah 26:15

Tagi Maolunga, koe e hai ma gu kii ange de laumalie de huaahenua, koe e hai ma gu kii ange de laumalie age de huaahenua. Koe gu hagamahamaha goe i daho dangada; koe gu hagatolo gi daha goinga alodahi o de henua.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Isaiah 55:12

Gai goodou e ssao naa ga hulo i de malangilangi, ma de dagina ga hulo i de baba; denga mounga ma duuduu e oo naa ga daahili i oodou mada i mua, gai denga manu ssomo alodahi o de henua e baabaa naa olaadeu lima.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 61:7

Goodou e kave naa tuuhanga e lua hanonga e kii ange ai e sui ai doodou hagadookaa ina. Gilaadeu e malangilangi naa i olaadeu boolonga e sui ai delaadeu hagangadi mee ina; gai delaadeu gelegele i de henua e hai naa ga lua hanonga e kii ange ai, gai delaadeu malangilangi e deai donu se ngado mai.

Isaiah 65:14

Tilo, ogu dangada hai hegau e hevaalogi naa ga daahili i de malangilangi olaadeu lodo, aagai goodou e tangi naa ma de daemaha oodou lodo, ma de heehee ga tangi i de mmae oodou lodo.

Isaiah 65:18

Aagai goodou llodo danuaa ma de malangilangi ga hano ai, i mee aagu gu hai; tilo, au e hai naa Jerusalem gi malangilangi, gai ono dangada gi llodo danuaa.

Isaiah 66:10

Malangilangi madali Jerusalem, ma de lodo danuaa i ono hiidinga, goodou alodahi e aaloha i de aduhale laa; goodou gi malangilangi mmao madali Jerusalem, goodou alodahi e hinangalosaa i ono hiidinga.

Jeremiah 31:7

E hagadaba Tagi Maolunga: “Goodou daahili ma de malangilangi i hiidinga o Jacob, gai hevaalogi ange gi dagi o denga huaahenua. Haia gi nngana oodou tuhi, ma de hagataba, ‘Tagi Maolunga, hagaola ina doo huaadangada, go dangada o Israel e doe.’

Hosea 4:7

Gu kii ange de soa de gau haimeedabu, gai gu kii ange hogi delaadeu haisala mai gi de au; au e hai naa delaadeu mahamaha gi se dookaa.

Leviticus 26:13

Go au donu go Iahweh doodou Maadua, go au ne hagassao ina mai goodou i de henua go Egypt, gi dee hai hegau ange ai goodou gi de gau Egypt; au gu hadihadi denga laagau hagahai hegau i honga oodou eu, ga hai gi maua e goodou i de tuu gi ssoe gi lunga ga seesee ai.

Zechariah 10:8

Au e hagavogi ange naa ga hagabuni mai ai gilaadeu. Au e hagaola naa donu gilaadeu; gai gilaadeu e hagadili naa ga soa bei olaadeu dagodo i mua.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Luke 11:22

Aagai de masavaa naa huu o dahi e mmahi ange laa i de ia e humai ai ga hebagi ange ga hagadee kii ia, gai ia ga kave goloa hebagi a taane laa e tali hagalodolodo ange laa aagena, ga duha ana goloa ne hai gi de mahi.

Acts 8:8

Deelaa ai, dangada i de aduhale laa gu malangilangi mmao.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

Judges 5:3

Denga hodooligi, goodou hagalaangona! Denga dagi o de henua, goodou hagalaangona! Gai au ga daahili ange gi Tagi Maolunga, de Maadua o Israel.

Judges 7:22

Gai de masavaa huu alaadeu ne ili ai denga hanga manu e dolulau laa, gai Tagi Maolunga ga hai de hagabuulinga hebagi laa gi hagadau hebagi i olaadeu magavaa, ma de saavini ga hulo gi Beth Shittah, i de haiava e hano laa gi Zererah, ga hulo gu tae gi Abel Meholah i gaogao o Tabbath.

Judges 8:12

Gai Zebah ma Zalmunna, luu hodooligi o Midian, ga saavini ga hulo, aagai ia ga doolohi gilaau ga poo, go Zebah ma Zalmunna, ma de hai gi maatagu delaau hagabuulinga hebagi.

1 Samuel 30:16

Gai de masavaa huu a taane laa ne kave ai David gi kilaa, gai tilo, gilaadeu e nnoho saele i de mommee laa ma e gaimee ai, ma de unu aama de aanu, i hiidinga de lagolago alaadeu goloa ne mau i de henua o de gau Philistia aama de henua o Judah.