Isaiah 9:2 - De Beebaa Dabu

² Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

Isaiah 9:2 Iomraidhean Croise

De Beebaa go Job 10:21

i mua dogu hano gi de mommee e dee ai se dangada e ahe mai ai, ma de henua iai de gohu ma de goohunga gohu,

Psalm 107:10

Hanu ne nnoho i lo te goohunga ma de gohu boo dangodango, gilaadeu i lo te hale pono e duasala i denga daula baalanga,

Psalm 107:14

Ia ne hagassao mai gilaadeu i lo te goohunga ma de gohu boo dangodango, ma de duuduu olaadeu mee e noonooa ai laa.

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Psalm 4:8

Au e dagodo iho ga seni i de baba; go hiidinga go koe donu huu Tagi Maolunga, e maua i de hai au gi noho baba.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Isaiah 60:19

Gai e dee go de laa e hagamaalama ina goe i de laangi, e dee go de maasina hogi e hagamaalama ina goe i de boo; gai go Tagi Maolunga donu doo maalama ga hano ai, gai go doo Maadua e hagamahamaha ina goe.

Isaiah 9:1

Gai e deai naa donu se gohu i daho dangada e hai ngadaa laa. I mua gai ia ne hagangadi mee de henua o Zebulun ma de henua o Naphtali, aagai muli mai naa huu gai ia e hagadubu Galilee o denga Gentile, go de mommee i gaogao tai, i de baasi laa o Jordan.

Amos 5:8

(de ia ne haia de hagabuulingaa heduu go de Pleiades ma de Orion ma de sui de gohu gi se maalama i taiao, ma de hagagohu de laangi gi bei de boo, ia e basa ange naa gi denga lausedi ma de hai gi pala iho gi honga de henua — dono ingoo go Iahweh;

Matthew 4:16

dangada e nnoho i lo te gohu gu gidee e gilaadeu dahi maalama laumalie; gilaadeu e nnoho i de henua o de malu o de magau, de maalama gu hagasula ange gi gilaadeu.”

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

John 12:35

Iesu ne hai ange gi gilaadeu, “De maalama e dagodo i oodou daha i dahi damaa masavaa. Goodou seesee i de masavaa e dahi ai maalama kana daea mai e de gohu goodou. Tangada e seesee i de gohu e dee gidee e ia dono mommee e seesee ai.

John 12:46

Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Judges 5:30

‘E aha, gilaadeu tee gidee laa ma de vaevae goloa ne maua i de hebagi? E dahi daane hebagi e dahi aabe e dogolua ana damaa hine; Sisera ne kave malo iai hagadaagangaa leebunga, ma malo gu maaga e dau ange gi dogu ua — mee nei alodahi e dee ni mee ne maua i de hebagi?’