Isaiah 8:22 - De Beebaa Dabu

²² Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.

Isaiah 8:22 Iomraidhean Croise

De Beebaa go Job 18:18

Ia gu alualu ina gi hano gee mai i de maalama gi hano gi lo te gohu, gai gu hai gi dee noho i henua i lalo.

Exodus 10:21

Gai Tagi Maolunga ga hai ange gi Moses, “Haalo ina doo lima gi lo te langi i lunga gi gohu ai honga de henua o Egypt i de gohu boo dangodango.”

Exodus 10:22

Gai Moses ga haalo dono lima gi lo te langi i lunga, gai gu gohu boo dangodango honga de henua alodahi o Egypt i e dolu laangi.

Proverbs 14:32

Tangada baubau e hagaduasala donu huu i ana hegau baubau, aagai tangada heohi e dahi donu ono buibui i de masavaa o de magau.

Isaiah 30:6

Muna hagadaemaha i dagodo o denga manu dolodolo i Negev: De gau sui e loomai naa gi de henua hai ngadaa ma de hagaduasala, go de mommee iai de laiono gauligi ma de laiono mmahi, de labodo hagammau ma de labodo lele. Gilaadeu e hagauda mai naa olaadeu lava i honga denga donkey, gai olaadeu goloa hagamogomogo i honga denga gamelo, gi de henua e deai ono haigamaiana ange gi gilaadeu,

Isaiah 5:30

Gilaadeu e hagangolo naa i de manu laa i de laangi laa, bei de hagangolo o beau o de moana. Gai noo tangada e galo ange ga tilo de henua, gai tilo, gu gohu ma de hai ngadaa; denga hagausinga e haoli naa de maalama.

Isaiah 50:11

Tilo, goodou alodahi e haulasia dahi ahi, ma de kave denga lama e haula laa, goodou seesee i de maalama o oodou ahi, ma denga lama oodou gu haula laa. Deenei dagu hai e hai ai goodou: goodou e daakodo gi lalo i doodou mmae.

Isaiah 50:3

Au e hai gi gohu lo te langi bei tangada e gahu i malo daladala.”

Isaiah 59:9

Deelaa ai, de hagamodu muna heohi e mmao gee donu i gidaadeu, gai de heohi e dee dae ange donu gi gimaadeu. Gimaadeu e tali gi maalama, aagai e gohu donu huu; gimaadeu ne tali gi hagamaalama, aagai gimaadeu e seesee i de malu o de gohu.

Isaiah 60:2

Tilo, de gohu gu haoli henua i lalo, gai de gohu boo dangodango gu haoli denga huaadangada; aagai Tagi Maolunga e humai naa gi oo elunga, gai dono mahamaha e gidee naa i oo daha.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Isaiah 9:1

Gai e deai naa donu se gohu i daho dangada e hai ngadaa laa. I mua gai ia ne hagangadi mee de henua o Zebulun ma de henua o Naphtali, aagai muli mai naa huu gai ia e hagadubu Galilee o denga Gentile, go de mommee i gaogao tai, i de baasi laa o Jordan.

Isaiah 9:20

Gilaadeu e kave naa denga kano manu i olaadeu lima madau ga gai, aagai gilaadeu goi hiikai huu; gilaadeu e gaimee naa i olaadeu lima masui, aagai e dee maua gi boobosu. Dahi ma dahi e gai naa kano o olaadeu dama.

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Jeremiah 23:12

Deelaa ai, delaadeu haiava e hai naa gi segesege ma de gohu; gai gilaadeu e dagadagahia naa ma de maakau i kilaa. Go hiidinga au e hai naa gi humai de hai ngadaa gi gilaadeu, i de ngadau aagu e hagaduasala ai gilaadeu, go Tagi Maolunga e hagadaba.

Matthew 22:13

Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’

Matthew 24:29

“Gai dua naa donu huu laangi hagaduasala laa, gai de laa gu hagagohu, de maasina gu deai sono maalama; gai denga heduu i lo te langi gu too iho, gai mee mmahi i lo te langi e hagangaalue naa.

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.

Revelation 16:10

Gai de lima dangada de langi ne llingi ange mee i lo tana boolo gi honga de nohoanga o de manu alasala laa, gai dono nohoanga hodooligi gu gohu. Gai dangada ga gadigadi olaadeu alelo i hiidinga de kona delaadeu duasala i de mmae,