Isaiah 8:19 - De Beebaa Dabu

¹⁹ Gai ga hai adu naa huu dangada, goodou gi hulo gi siilia i daho denga hilohilo ma eidu, ma dangada e pasa ange gi denga hagasaalunga, ma de musumusu ange gi gilaadeu — gai e aha, e dee go de Maadua e heohi doodou ssili ange mee nei aagena? Gai gu aha goodou gu ssili ange ai gi de gau maakau dagodo o dangada goi mouli laa?

Isaiah 8:19 Iomraidhean Croise

Genesis 41:24

gai denga gau looloa grain hua ligi laa ga holo denga gau looloa grain ssomo danuaa e hidu laa. Gai au ne tala ange dagu midi gi de gau hai huuhuaa mee, gai teai se gilaadeu ne maua i de hagadonu mai dagu midi.”

2 Kings 1:3

Gai tangada de langi o Tagi Maolunga ga hai ange gi Elijah, taane Tishbe, “Hannoo hedae ange gi denga daane o de hodooligi o Samaria siilia ange, ‘E aha, gu deai laa donu se Maadua o Israel, gai goodou ga hulo ai laa e ssili hanu mee i daho Baal-Zebub, tiinonga o Ekron?

2 Kings 21:6

Ia ne dudu dana dama daane i lo te ahi, ga hai ai ssigidaumaha, ia ne hai denga huuhuaa mee, ma de tala mee e loomai, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago donu ana hegau baubau ne hai i mada luu mada o Tagi Maolunga ga hai ai ia ga lili.

2 Kings 23:24

Gai Josiah ne hai hogi gi deai dangada e pasa ange gi de gau maakau, ma dangada e pasa ange gi denga hagasaalunga baubau, ma diinonga o denga huaabodu, ma diinonga hakino gee alodahi i Judah ma Jerusalem. Ia ne hagassula muna gu sisi i lo te beebaa o de hainga a tangada haimeedabu go Hilkiah ne gidee laa i lo te hale o Tagi Maolunga.

1 Chronicles 10:13

Gai a Saul ne magau i hiidinga ia tee hai hegau i de muna abodonu ange gi Tagi Maolunga; ia tee daohi muna a Tagi Maolunga, aagai ia ne hano ga ssala de bale mai i daho dahi hahine hai huuhuaa mee,

2 Chronicles 33:6

Gai ia ne sigidaumaha ana dama i lo te ahi i de geelonga go Ben Hinnom, ma de tala mee e dee iloo, ma de hai huuhuaa mee, ma de ssala denga hagailonga, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago ana hegau baubau ne hai i mada luu mada o Tagi Maolunga, ga hai ai ia gu lili.

Psalm 106:28

Gilaadeu e hagapigi ange gi Baal o Peor, ma de gai mee e sigidaumaha ange gi denga diinonga e dee mouli laa;

Isaiah 19:3

De gau Egypt e baageaa naa olaadeu lodo, gai au e hai naa gi dee ssula alaadeu hagatau; gilaadeu e ssala naa de bale mai i daho denga diinonga ma hagasaalunga o de gau maakau, ma denga hilohilo ma eidu aama gilaadeu e pasa ange gi denga hagasaalunga.

Isaiah 26:14

Gilaadeu gu maakau iainei, gu dee mouli ange; olaadeu hagasaalunga gu dee mouli age ange. Koe ne hagaduasala gilaadeu ma de hagallilo gilaadeu, koe gu hai gi deai olaadeu hagamaanadu.

Isaiah 29:4

Gai koe e baguu naa gi honga de gelegele, ma de dagodo i lo te gelegele ga basa ai. Doo leo e basa age naa i lo te gelegele oou gu dagodo ai laa, au muna e musumusu e loage naa i lodo gelegele.

Isaiah 30:2

Gilaadeu ne loiho gi Egypt aagai tee hagatuu mai donu gi de au; gilaadeu ne ssala de bale mai i daho Pharaoh, ma de mmuni i lalo de malu o Egypt!

Isaiah 45:11

E hagadaba Tagi Maolunga, de Ia Dabu o Israel, gai go de ia ne haia Israel: E aha, koe e ssili naa dagodo o agu dama, ma dagodo o mee e loomai, aabe e tala mai agu hegau e hai?

Isaiah 47:12

Duudagi ina de haia au helau ma au huuhuaa mee lagolago, go mee aau gu hai hegau mai loo i doo gauligi. Agu made koe e hagadagadaga age naa, agu made koe e hai naa ga maatagu dangada.

Isaiah 47:13

Koe gu goso i de hagallongo muna bale lagolago; gilaadeu gi hiihidi age mage hagaola ina goe; gilaadeu e diiloo mee i lo te langi gi loomai, ma gilaadeu e diiloo denga heduu ma gilaadeu e daalaa adu gi goodou mee e loomai i de duu de maasina i dai.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Jeremiah 27:9

Gai goodou e dee hagallongo muna a oodou pelaabisi, ma oodou dangada e daalaa mee e dee iloo, ma oodou dangada hagadonu midi, ma oodou hilohilo ma eidu, aama oodou dangada e haia gi loage denga hagasaalunga e tala adu laa gi goodou, “Goodou e dee hai hegau ange naa donu gi de hodooligi o Babylon.”

Leviticus 19:31

Aude hano gi denga hilohilo ma eidu, be saalaa ange gilaadeu e pasa ange gi hagasaalunga o de gau maakau, gai gilaadeu ga hai ai ga dee gilimalali goodou. Go au go Iahweh doo Maadua.

Leviticus 20:6

Gai noo dahi dangada e ssala tangada e hagahia laa hagasaalunga o de gau maakau ma gilaadeu e pasa ange gi denga hagasaalunga baubau, gai au e hai baasi ange donu gi tangada laa, ga vvae gee ia gi dee nnoho madali ono dangada.

Micah 5:12

Au e oha naa de hai huuhuaa mee i oo daha, gai koe e dee helau naa hogi dangada.

Acts 16:16

Dahi laangi gai gimaadeu ne hulo gi de mommee dalodalo, gai gimaadeu ne hedae ange gi dahi damaa hine gu noho ai dahi hagasaalunga baubau, e daalaa laa mee tigi loomai. Gai ne hai ga lagolago sseene a dono dangada aamua i dana tala mee tigi loomai.

Deuteronomy 18:10

Gi deai donu se goodou e gaavange dana damaa hine, be go dana dama daane e hai ai ssigidaumaha, be go de tala mee e dee iloo, be go de hai gi loage denga hagasaalunga, be go de hagadonu denga hagailonga, be go de hai denga huuhuaa mee,

Deuteronomy 18:11

be go de helau dangada, be se hilohilo ma eidu, be se dangada e basa ange gi hagasaalunga o de gau maakau, aabe se dangada e madaangudu ange gi de gau maakau.

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

1 Samuel 28:11

Gai de hine laa ga hai ange, “Goai aau e lodo au gi hagahia gi hanage?” Gai a Saul ga hai ange, “Haia gi hanage Samuel.”

1 Samuel 28:16

Samuel ne hai ange, “Gu aha gu hagahi mai ai nei goe au, gai Tagi Maolunga gu huli gee i de goe gai gu se hagadaumee niiou?

1 Samuel 28:7

Gai a Saul ga hai ange gi ono dangada hai hegau, “Goodou saalaa dahi hahine hai huuhuaa mee, gai au ga hano e ssili gi iloo agu mee e hai.” Gai ono dangada hai hegau ga hai ange gi de ia, “Tilo, e dahi hahine hai huuhuaa mee i Endor.”

1 Samuel 28:8

Gai a Saul ne gahu i hanu malo gee gi dee madea ai ia, gai ia ga hano madali e dogolua ono daane gi daho de hine laa i de boo. Gai ia ga hai ange gi de hine laa, “Hagahia i de hagasaalunga o tangada magau aagu e tala adu dono ingoo gi de goe.”