Isaiah 8:10 - De Beebaa Dabu

¹⁰ Hagabuni haia oodou hagatau, aagai e deai naa donu haigamaiana; daalaa oodou hagatau, aagai e dee maua donu gi ssula, go hiidinga de Maadua madali gimaadeu.

Isaiah 8:10 Iomraidhean Croise

Genesis 21:22

Gai laangi laa gai Abimelek ma Phicol, tagi o ono daane hebagi, ne loomai ga hai ange gi Abraham, “De Maadua gu hagamanuuia goe i mee alodahi aau e hai.

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

2 Samuel 17:23

De masavaa huu a Ahithophel ne gidee ai bolo dangada tee daudali i ana muna, gai ia ga gage i honga dana donkey ga hano ai gi dono hale i dono aduhale. Gai ia ga hagadabena mee alodahi i dono hale, gai ia ne hano ga gabaea. Deelaa ai, ia ne magau ga danu i lo te daanunga a dono huaabodu.

2 Samuel 17:4

Gai Absalom ma dagi alodahi o Israel gu malangilangi i muna laa.

2 Kings 6:12

Gai dahi dagi ga hai ange, “Demaadeu dangada aamua go de hodooligi, e dee go gimaadeu, gai go Elisha, de pelaabisi e noho laa i Israel, e daalaa ange laa gi de hodooligi o Israel denga muna aau e tala i lo too aabi seni!”

2 Chronicles 13:12

Tilo, de Maadua e madali gimaadeu gai go demaadeu dagi, gai ono dangada haimeedabu ma alaadeu trumpet e ili e daamada ai demaadeu hebagi adu gi goodou. Denga daane o Israel, goodou aude hebagi ange gi Tagi Maolunga, de Maadua o oodou dubuna madagidagi, go hiidinga goodou e dee maua donu gi kii.”

De Beebaa go Job 5:12

Ia e hai gi dee ssula hagatau a tangada e heiangi vaivai dagodo, gi dee maua ai gi ssula alaadeu hegau.

Psalm 21:12

Koe e hai naa gilaadeu gi maatagu gi saavini gi hulo; i dau lui ange dau mee hholu e tili ai gilaadeu.

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:8

Loomai mage diiloo hegau a Tagi Maolunga, ia gu hai gi ngadi dagodo henua i lalo.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Isaiah 14:27

Tagi o denga hagabuulinga hebagi gu hai dahi hagamodu, gai goai naa e maua i de buibui gi dee hai? Dono lima gu hagaabo, gai goai naa e maua i de hagaahe dua?

Isaiah 28:18

Doodou hagatoo donu hagaheloongoi madali de magau e hagadeai naa; doodou hagaheloongoi ne hai madali de mommee o de gau maakau e dee sula naa donu. Gai de masavaa naa huu e dae mai ai de hai ngadaa laumalie, gai goodou e dee pau ange donu aagena.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 43:5

Aude madagu, go hiidinga au madali goe; au e gaamai naa oo hagadiilinga mai i dua, ma de hagabuni mai goodou i dai.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 8:8

gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!”

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 42:11

Goodou gi dee maatagu i de hodooligi o Babylon, go de ia oodou e maatagu ai naa iainei. Goodou aude maatagu donu i de ia, go Tagi Maolunga e hagadaba, go hiidinga au e madali goodou, gai au e hagamouli naa ma de hagaola goodou mai i dono sauaa.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Lamentations 3:37

Goai e maua i de tala dahi muna gai e hai ga bei, noo de Ia Aamua laa e dee dugu ange?

Joel 3:9

Hagailoo ina muna nei i denga huaahenua: hagadaabena ange gi de hebagi; hagabuni ina mai denga daane mmahi! Gai denga daane hebagi alodahi gi loomai e hebagi.

Haggai 1:13

Gai Haggai, tangada hagailoo o Tagi Maolunga, ne tala ange muna a Tagi Maolunga gi dangada, ga hai ange, “Au madali goodou,” go Tagi Maolunga e hagadaba.

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Romans 8:13

go hiidinga noo goodou e mouli i lodo o de angaanga, gai goodou e maakau donu; aagai noo goodou e daa gi maakau denga dahulinga o de angaanga i ssauaa o de Hagasaalunga ⌊Dabu⌋, gai goodou e mouli.

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Deuteronomy 20:1

De masavaa naa huu oodou e hulo ai e hebagi ange gi oodou hagadaumee, gai goodou gu gidee alaadeu hoosa ma olaadeu hada hebagi, gai delaadeu hagabuulinga hebagi e soa ange i goodou, gai goodou aude maatagu donu i gilaadeu; go hiidinga Tagi Maolunga doodou Maadua, de ia ne hagassao ina mai laa goodou i de henua go Egypt, e noho donu madali goodou.

Joshua 1:5

Gai e deai naa donu se dangada e maua i de hai baasi adu gi de goe i taulooloa doo mouli. Gai au e noho madali goe bei dogu hai ne noho ai laa hogi i daho Moses, gai au e dee tili naa donu goe aabe hano gee mai i oo daha.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.