Isaiah 7:8 - De Beebaa Dabu

⁸ go hiidinga de biho o Syria go Damascus, gai de biho o Damascus go Rezin. E madaono ma lima ange naa donu huu ngadau gai Ephraim gu oohaa, gilaadeu gu dee dau bolo se huaadangada.

Isaiah 7:8 Iomraidhean Croise

Genesis 14:15

Gai Abram ne vae ono daane hebagi i de boo, ga hebagi ange gi denga daane de baasi gee, ma de doolohi gilaadeu ga hulo gu tae gi Hobah, se mommee i de bido i ngaiho o Damascus.

2 Samuel 8:6

Gai ia ne dugu hanu daane hebagi i Syria o Damascus, gai de gau Syria gu hai hegau ange gi de ia, ma de hagao ange taagisese gi de ia. Gai Tagi Maolunga ne hai gi kii David i mommee alodahi oona ne hano aagena.

Ezra 4:2

gai gilaadeu ga loomai gi daho Zerubbabel ma dagi o denga huaabodu, ga hai ange gi gilaadeu, “Gimaadeu e llodo e bale adu goodou e hagaduu ai de hale nei; go hiidinga gimaadeu e daumaha ange gi doodou Maadua bei goodou, gai gu sigidaumaha ange huu gi de ia mai i de masavaa a Esarhaddon, de hodooligi o Assyria, go de ia ne gaamai gimaadeu gi kinei.”

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Isaiah 9:11

Aagai Tagi Maolunga ne hai hagadaumee o Rezin gi hebagi ange gi gilaadeu, ma de usuusu ange olaadeu hagadaumee.

Isaiah 9:9

Dangada alodahi e iloo naa de mee nei, Ephraim ma gilaadeu e nnoho i Samaria; go dangada e hagataba i de hagamaolunga ma de lodo maolunga:

Jeremiah 49:23

Dagodo o Damascus. “Hamath ma Arpad gu hagadookaa ina, go hiidinga gilaau gu langona hanu longo baubau; gilaau gu maatagu olaau lodo, gilaau gu dee paba olaau lodo bei dagodo o tai e dee maua laa gi malino.

Ezekiel 27:18

Gai go hiidinga de lagolago oo goloa danuaa, ma doo lava i denga hagadaagangaa goloa, Damascus ne hagao oo goloa i denga uvaini mai i Helbon ma huluhulu manu mai i Zahar.

Hosea 13:1

De masavaa o Ephraim ne basa ai, gai dangada gu maatagu; gai ia ne hagaamua ina i Israel. Aagai ia ne haisala i dono daumaha ange gi Baal, gai ia gu magau.