Isaiah 7:4 - De Beebaa Dabu

⁴ Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

Isaiah 7:4 Iomraidhean Croise

2 Kings 15:27

Gai de madalima ma lua huu ngadau o Azariah ne hodooligi ai i Judah, gai Pekah, tama daane a Remaliah gu dae ange ga hodooligi i Israel, gai ia ne hodooligi i e madalua ngadau i Samaria.

2 Chronicles 20:17

E dee go goodou e hebagi i de hebagi nei. Gai goodou hagatau, ma de tuu ga tilo de hagaola a Tagi Maolunga goodou.’ Judah ma Jerusalem, goodou aude maatagu, aabe gi manavasaa oodou lodo. Gai goodou hulo hebagi ange gi gilaadeu daiao, gai Tagi Maolunga e hano donu madali goodou.”

Isaiah 10:24

Deenei ai, e hagadaba de Ia Aamua, Tagi o denga hagabuulinga hebagi: “Ogu dangada e nnoho laa i Zion, goodou aude maatagu i de gau Assyria, e hagailiilihia laa goodou i de laagau, ma de hagaabo de laagau ga daa ai goodou, bei hegau a de gau Egypt.

Isaiah 30:15

E hagadaba de Ia Aamua go Iahweh, de Ia Dabu o Israel, “Noo goodou e daahuli mai oodou lodo gi de au ga hagammabu i ogu daha, gai goodou e ola; i hiidinga go doodou hagammabu ma de hagadonu au oodou e mmahi ai. Aagai goodou e dee llodo.

Isaiah 30:7

go Egypt e deai laa ono haigamaiana, gai e deai mee iai. Deelaa ai, au e hagaingoo ange ia go “Rahab, de ia ngadi noho.”

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Isaiah 37:6

gai Isaiah ga hai ange gi gilaadeu, “Hai ange gi doodou dangada aamua, ‘E hagadaba Tagi Maolunga: Aude madagu i hiidinga muna aau gu langona, go muna a de gau hai hegau o de hodooligi o Assyria ne hagangadi mee ai au.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 7:1

De masavaa o Ahaz, tama daane a Jotham, tama daane a Uzziah, ne hodooligi ai i Judah, gai Rezin de hodooligi o Syria ma Pekah tama daane a Remaliah, de hodooligi o Israel, ne loomai e hebagi ange gi Jerusalem, aagai gilaau tee maua i de hagadee kii de aduhale.

Isaiah 7:8

go hiidinga de biho o Syria go Damascus, gai de biho o Damascus go Rezin. E madaono ma lima ange naa donu huu ngadau gai Ephraim gu oohaa, gilaadeu gu dee dau bolo se huaadangada.

Isaiah 7:9

Gai de biho o Ephraim go Samaria, gai de biho o Samaria go tama daane a Remaliah. Noo goodou e dee hagadonusia muna nei, gai goodou e dee maua naa donu gi duu gi makaga.’ ”

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Isaiah 8:6

“Go hiidinga de gau nei gu tili denga vai o Shiloah e sali maalie laa, gai ne malangilangi i Rezin ma tama daane a Remaliah,

Lamentations 3:26

Se mee danuaa de golomagi lodo o tangada ga tali ai de hagaola a Tagi Maolunga.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Zechariah 3:2

Tagi Maolunga ne hai ange gi Satan, “Satan, Tagi Maolunga gi hagaseegina goe! Tagi Maolunga ne hilia laa Jerusalem gi hagaseegina goe! E dee deenei taane e bei laa de laagau, aau ne dada mai i lo te ahi?”

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Matthew 24:6

Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

Deuteronomy 20:3

gai ia gi hai ange gi gilaadeu, “Israel, nnoho mai hagalaangona, ailaa nei goodou ga hulo nei e hebagi ange gi oodou hagadaumee. Goodou aude manavasaa oodou lodo be e maatagu, aabe gi bolebole i doodou maatagu i gilaadeu,

1 Samuel 17:32

Gai David ga hai ange gi a Saul, “Goodou gi dee maatagu i hiidinga o taane Philistia naa; go au, doo dangada hai hegau e hano e hebagi ange gi de ia.”