Isaiah 6:9 - De Beebaa Dabu

⁹ Gai ia ne hai mai gi de au, “Hannoo hai ange gi de huaadangada nei: ‘Goodou e dee modu doodou langona, aagai e dee maua gi tonu ange, goodou e dee modu de gidee, aagai e dee maua gi madea.’

Isaiah 6:9 Iomraidhean Croise

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Isaiah 28:13

Deelaa ai, muna a Tagi Maolunga ange gi gilaadeu e bei naa donu: e hagaaheahe ange naa, e hagaaheahe ange naa, go muna mau donu huu, go muna mau donu huu, gai e tala dagimomo ange, e tala dagimomo ange, gi hulo ai gilaadeu gi baakuu saele, gi lagolagohia, ma de noodia i ssele, aama de noonoodia ga gaavee gee.

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Isaiah 42:20

Gu lagolago au mee gu gidee, aagai koe e dee anga ange aagena; luoo dalinga e maahuge, aagai koe e dee langona.”

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Ezekiel 12:2

“Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.

Hosea 1:9

Gai Tagi Maolunga ga hai ange, “Hagaagahi ina ange dono ingoo go Lo-Ammi, go hiidinga goodou e dee go dogu huaadangada, gai au e dee go doodou Maadua.”

Mark 4:12

‘gi gidee ai e gilaadeu gai e dee madea; gai gi langona ai e gilaadeu, gai e dee tonu ange aagena, gi dee daahuli ai olaadeu lodo gai de Maadua ga degi ange gi olaadeu haisala.’ ”

Luke 8:10

Ia ne hai ange, “Gu dugu adu gi goodou gi maua i de tonu ange, gi mee o de nohoanga hodooligi o de Maadua e dee iloo laa, aagai e tala ange donu huu gi dangada ange laa i muna hagasengasenga; ‘gi gidee ai e gilaadeu gai e dee madea, gai gi langona ai e gilaadeu gai e dee tonu ange aagena.’

John 12:40

“Ia gu hai gi dee kide gilaadeu ma de hagamakaga olaadeu lodo, kana gidee naa huu e gilaadeu ga tonu ange gai gilaadeu ga daahuli olaadeu lodo, gai au ga hagaieiangi gilaadeu.”

Romans 11:8

bei de hai gu sisi ai laa, “De Maadua gu hai gilaadeu gi ssenga, olaadeu ganomada gi dee gidee, gai olaadeu dalinga gi dee langona, ga dae mai ai gi anailaa nei.”

Deuteronomy 29:4

Aagai Tagi Maolunga tigi hai gi maua e goodou i de tonu ange, gi mee alodahi oodou gu gidee ma de langona, ga dae mai ai gi anailaa nei.