Isaiah 6:12 - De Beebaa Dabu

¹² ga dae ai gi de hai a Tagi Maolunga gi hulo dangada gi denga henua mmao, gai gu lagolago mommee i honga de henua gu ngadi daakodo.

Isaiah 6:12 Iomraidhean Croise

2 Kings 25:11

Gai Nebuzaradan, tagi o de gau hagaloosi, ne noonooa dangada alodahi e doe i de aduhale, ma dangada ne hagabuni ange laa gi de hodooligi o Babylon, aama dangada alodahi, ga kave gee mai i de henua.

2 Kings 25:21

Gai de hodooligi o Babylon ne daa gilaadeu gu maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Isaiah 13:12

Au e hai naa dangada gi sogoisi ange i denga goolo danuaa, ma de sogoisi ange i goolo o Ophir.

Isaiah 26:15

Tagi Maolunga, koe e hai ma gu kii ange de laumalie de huaahenua, koe e hai ma gu kii ange de laumalie age de huaahenua. Koe gu hagamahamaha goe i daho dangada; koe gu hagatolo gi daha goinga alodahi o de henua.

Isaiah 5:9

Tagi o denga hagabuulinga hebagi gu hagatoo donu ma gu langona e au: “Ni muna abodonu, denga hale nnui e ngadi daakodo naa, gai denga hale danuaa e deai naa dangada e nnoho ai.

Jeremiah 12:7

Au gu tili dogu hale; au gu tili de huaahenua o dogu boolonga; au e dugu ange naa de ia oogu e aloha ai gi ono hagadaumee.

Jeremiah 15:4

Gai au e hai naa denga nohoanga hodooligi alodahi o henua i lalo gi maatagu i olaadeu dagodo, i hiidinga hegau a Manasseh tama daane a Hezekiah, de hodooligi o Judah ne hai i Jerusalem.

Jeremiah 4:29

Denga aduhale gu maatagu, i delaadeu langona leo o denga daane i honga hoosa ma denga daane e dilia mee hholu. Hanu e hulo naa ga mmuni i lodo mee muimui, hanu e kage age gi magavaa hadu. Gai denga aduhale alodahi gu dilia; gu deai donu dangada e nnoho ai.

Jeremiah 52:27

Gai de hodooligi o Babylon ne daa gilaadeu ga maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Lamentations 5:20

Gu aha goe gu ngalo ai naa gimaadeu i masavaa alodahi? Gai gu aha gu daulooloa ai naa dau tili gimaadeu?

Zephaniah 1:3

Au e daa naa dangada ma manu dolodolo alodahi; au e daa naa gi maakau denga manu llele i lo te moana ma denga mamu i lo te dai. De gau baubau e bei naa denga hagabuudungaa gainga, i de masavaa aagu e daa ai gi maakau dangada i honga henua i lalo, go Tagi Maolunga e hagadaba.

Romans 11:15

Gai noo delaadeu tili ne hai ga maua i de hagadanuaa magavaa o de Maadua ma henua i lalo, gai dee hee maa ai naa noo gilaadeu gu hagaahe mai, e dee go de mouli mai i de magau?

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.