Isaiah 6:1 - De Beebaa Dabu

¹ De ngadau huu o de hodooligi go Uzziah ne magau ai, gai au ne gidee de Ia Aamua laa e noho i honga dahi nohoanga maolunga ma de hagaamua, gai de bido i lalo o dono malo e hola ma e dohu ai lo te temple.

Isaiah 6:1 Iomraidhean Croise

1 Kings 22:19

Gai Micaiah ne hai ange hogi, “Deenei ai, koe gi hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.

2 Kings 15:7

Gai Azariah ne magau bei ono dubuna, gai gilaadeu ga danu ia madali gilaadeu i de aduhale o David, gai Jotham, dana dama daane ga sui ia ga hodooligi ai.

2 Chronicles 18:18

Gai Micaiah ne hai ange hogi, “Deenei ai, goodou hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.

De Beebaa go Job 42:5

Au gu langona oo dagodo, gai iainei au gu gidee goe;

Psalm 108:5

De Maadua, doo hagaamua e maolunga ange i de langi, gai doo mahamaha gi dae gi henua i lalo alodahi.

Psalm 113:5

Gai goai e bei dagodo o Tagi Maolunga taadeu Maadua; go de ia e noho i dono nohoanga maolunga,

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Exodus 24:9

Dua mee laa gai Moses ma Aaron, ma Nadab, ma Abihu, aama dagi o de gau Israel e dinohidu ga loage gi de mounga,

Isaiah 1:1

De midi hagaago ange a Isaiah tama daane a Amoz, i dagodo o Judah ma Jerusalem, go de midi aana ne gidee laa i de masavaa o Uzziah, ma Jotham, ma Ahaz, aama Hezekiah e hodooligi ai i Judah.

Isaiah 12:4

De laangi laa gai goodou e hagataba naa: “Hagaahe ange de abodonu gi Tagi Maolunga, ma de dalodalo ange gi de ia; hagadele ina i denga huaahenua dagodo o ana hegau gu hai, ma de tala bolo gi hagaamua ina dono ingoo.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Ezekiel 10:1

Gai tilo, au ne gidee dahi mee be se nohoanga, e hai i sapphire i baasi lunga de moana i honga biho o denga cherubim.

Ezekiel 10:4

Gai de mahamaha o Tagi Maolunga gu hagamalanga age mai i honga denga cherubim laa ga hano gi ma te haitoga o de temple; gai de giliiga gu hhao ga honu lo te temple, gai lo te buibui laa gu honu i de maalama o de mahamaha o Tagi Maolunga.

Daniel 10:17

Dogu dangada aamua, dee hee de hai a doo dangada hai hegau e basa adu ai gi de goe? Au gu deai donu ogu mahi, gai au gu dee maua i de manava.”

Daniel 7:9

De masavaa aagu e haina adu ai mee laa, gai gu hagatau denga nohoanga, gai de Ia mai Madagidagi gu noho i dono nohoanga. Ono malo e tea bei snow; ono ngaangaaulu e tea bei huluhulu o ssiibi. Dono nohoanga e ula bei de ahi, gai denga hagasii iai e ula ai de ahi.

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Revelation 15:8

Gai de useahi o de mahamaha o de Maadua ma dono sauaa gu hhao lo te hale dabu, gai gu deai donu dangada e maua i de ulu gi lo te hale dabu, ga dae ai gi de odi i de hai denga mee hagamaakau e hidu a denga dangada de langi dogohidu laa.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 4:10

gai denga daane maatua e dinolua ma dogohaa laa ga hagabaakuu gi honga de gelegele ga daumaha ange gi de ia e noho laa i honga de nohoanga laa, go de ia e mouli laa ga hano ai e dee ngado mai. Gai gilaadeu ga dugu ange olaadeu hau goolo gi mada i mua o de nohoanga laa, ga hagataba,

Revelation 4:2

De masavaa laa donu huu gai de Hagasaalunga ⌊Dabu⌋ gu hano iho gi ogu elunga, gai tilo, au gu gidee dahi nohoanga hodooligi i de langi, gai dahi e noho i honga de nohoanga hodooligi laa.

Revelation 4:3

Gai de ia e noho ai laa e masalaba bei luu hadu hagamogomogo go de jasper ma de carnelian. Gai de umada e duuli ina laa luu baasi e bei de emerald.

Revelation 4:9

Gai de masavaa naa huu a denga mee mouli laa e daahili ai, ga hagamahamaha ma de hagadubu, aama de hagaahe ange de abodonu gi de ia e noho laa i honga de nohoanga laa, go de ia e mouli laa ga hano ai e dee ngado mai,

Revelation 5:1

Gai au ne gidee de ia e noho laa i honga de nohoanga laa e daohi dahi beebaa mulo i dono lima madau. Gai de beebaa laa e sisi ngaadahi ono lodo ma tua, gai gu mulo ma e hagamakaga i e hidu mee hagamakaga.

Revelation 5:7

Ia ne humai ga poo de beebaa mulo laa ga kave, mai i lo te lima madau o de ia e noho laa i honga de nohoanga hodooligi laa.

Revelation 6:16

Gai gilaadeu ga hagahi denga mounga ma hadu, ga hai ange, “Malili iho ma gi hagamuunia gimaadeu i de ia e noho laa i honga de nohoanga laa, aama de bole o Ssiibi Gauligi.