Isaiah 59:11 - De Beebaa Dabu

¹¹ Gimaadeu alodahi e hagangolo bei denga bea, gai e gonogono bei denga manu kono. Gimaadeu ne ssala de hagamodu muna heohi, aagai gimaadeu tee gidee, gimaadeu e tali de hagaola, aagai e mmao gee donu i gimaadeu.

Isaiah 59:11 Iomraidhean Croise

Psalm 119:150

Gilaadeu e haia denga hagatau baubau e paa mai donu, aagai gilaadeu e mmao gee i au hainga.

Psalm 119:155

De hagaola e mmao gee donu i de gau baubau, i hiidinga gilaadeu e dee hai hegau i au muna gu hagasauaa.

Psalm 38:8

Au gu baageaa ma tee vaangalue; gai au gu gonogono i hiidinga taemaha o ogu lodo.

Psalm 55:2

Anga mai ma gi basa mai gi dagu dalodalo; au gu kona mmao dogu hai ngadaa. Gai gu dee baba mmao ogu lodo

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Isaiah 51:20

Au dama gu deai olaadeu mahi; gilaadeu e daakodo saele i dege o denga haiava bei de antelope gu lave laa i lo te galauna. Gilaadeu gu langona iho de bole o Tagi Maolunga, ma de hagasee a doodou Maadua gilaadeu.

Isaiah 59:14

Gai de hagamodu muna heohi gu buibuia, de heohi gu mmao gee; gai mee abodonu gu dee gidee i denga aduhale, gai de muna abodonu gu dee gidee hogi.

Isaiah 59:8

Gilaadeu e dee tonu ange gi dagodo o de nnoho baba, gilaadeu e dee hai hegau donu i de heohi. Gilaadeu gu hai olaadeu haiava gi pigo; gai dangada e seesee i lodo haiava nei e dee tonu ange gi dagodo o de noho baba.

Isaiah 59:9

Deelaa ai, de hagamodu muna heohi e mmao gee donu i gidaadeu, gai de heohi e dee dae ange donu gi gimaadeu. Gimaadeu e tali gi maalama, aagai e gohu donu huu; gimaadeu ne tali gi hagamaalama, aagai gimaadeu e seesee i de malu o de gohu.

Jeremiah 8:15

Gidaadeu ne tali delaadeu nnoho paba, aagai teai donu se mee danuaa ne humai; gidaadeu ne tali dahi masavaa o de hagaieiangi, aagai go de mee hagamaatagu donu huu ne humai.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Lamentations 3:17

Ogu lodo gu dee baba, au gu ngalo dagodo o de malangilangi.

Ezekiel 7:16

Gai dangada e ola laa e saavini naa ga hulo gi denga mounga, gilaadeu e tangi naa bei denga manu kono i lodo geelonga, dahi ma dahi e dangi naa i hiidinga o ono baubau.

Hosea 7:14

Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.

Nahum 2:7

Dono hahine hodooligi gu deai ono malo, gai gu gaavee gee mai i de henua. Ono haahine hai hegau gu gonogono bei de koo o denga manu kono, ma de hagailiili honga olaadeu hadahada.

Nahum 2:8

Nineveh gu bei dagodo o de vai e vava laa, ma gu odi vai i ono lodo. Gilaadeu e hagataba, “De kaba! De kaba!” aagai e deai donu dangada e huuhuli dua mai.