Isaiah 59:10 - De Beebaa Dabu

¹⁰ Gimaadeu e haahaa saele i gaogao de buibui bei dagodo o de gau dee kide, gimaadeu e haahaa saele bei dagodo o dangada e deai olaadeu ganomada. Gimaadeu e baakuu saele i lo te laangi e dagodo be gu dai gohugohu de mee; gimaadeu e bei dagodo o de gau maakau i magavaa o denga daane mmahi.

Isaiah 59:10 Iomraidhean Croise

De Beebaa go Job 5:14

Gilaadeu e hedae ange naa gi de gohu i de laangi, gilaadeu e haahaa saele naa i de laangi bei de boo.

Proverbs 4:19

Hegau a de gau baubau e bei de gohu boo dangodango, gilaadeu e dee iloo donu be se aha ne hagalaavea olaadeu vae ga baakuu ai laa gilaadeu.

Isaiah 28:13

Deelaa ai, muna a Tagi Maolunga ange gi gilaadeu e bei naa donu: e hagaaheahe ange naa, e hagaaheahe ange naa, go muna mau donu huu, go muna mau donu huu, gai e tala dagimomo ange, e tala dagimomo ange, gi hulo ai gilaadeu gi baakuu saele, gi lagolagohia, ma de noodia i ssele, aama de noonoodia ga gaavee gee.

Isaiah 8:14

gai ia e hai naa ga se mommee dabu; aagai ange gi luu hale o Israel ia go de hadu e hagalaavea laa vae o dangada, gai se hadu e haia ga baakuu gilaadeu. Gai ia e bei naa donu dagodo o ssele ange gi dangada o Jerusalem.

Isaiah 8:15

Gai e soa naa gilaadeu e laavea ai; gilaadeu e baakuu naa ga maoha, gilaadeu e noodia naa i ssele.”

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Lamentations 3:6

ia gu hai au gi noho i lo te gohu bei dagodo o dangada gu maakau odiodi laa.

Lamentations 4:14

Gilaadeu ne haahaa saele bei dagodo o tangada dee gide i honga denga haiava; Gilaadeu gu baalau i denga dodo, deelaa ai, gu deai donu dangada e llodo e poo ange gi olaadeu malo.

Ezekiel 21:15

Gai dangada e maatagu naa, gai e soa naa donu e maakau. Au e gaamai naa de gadilaasa gi olaadeu aduhale. Tilo, de gadilaasa laa e dabadaba bei de uila, gai gu poo i de lima o de ia daa dangada.

Amos 8:9

Gai e hagadaba de Ia Aamua go Iahweh, “De laangi laa gai au e hai naa gi danu de laa i lo te madohi lua o de laangi, gai de henua e hagagohu i de masavaa goi ao ai de mee.

Micah 3:6

Deenei ai, de boo e dae mai naa gi goodou, gu deai oodou midi hagaago ange e gidee, gai gu gohu, goodou gu dee maua i de tala mee e loomai. Denga pelaabisi e dee gidee naa de laa, gai de laangi e hai naa ga gohu ange gi gilaadeu.

John 12:35

Iesu ne hai ange gi gilaadeu, “De maalama e dagodo i oodou daha i dahi damaa masavaa. Goodou seesee i de masavaa e dahi ai maalama kana daea mai e de gohu goodou. Tangada e seesee i de gohu e dee gidee e ia dono mommee e seesee ai.

John 12:40

“Ia gu hai gi dee kide gilaadeu ma de hagamakaga olaadeu lodo, kana gidee naa huu e gilaadeu ga tonu ange gai gilaadeu ga daahuli olaadeu lodo, gai au ga hagaieiangi gilaadeu.”

Deuteronomy 28:29

Gai koe e seesee saele naa ga haahaa saele i de laangi, bei dagodo o tangada dee gide i lo te gohu. Gai koe e dee maua naa donu gi hagadagadaga age. Gai koe e vaivai haia naa ma de gaiaadia au mee i masavaa alodahi, aagai e deai naa donu dangada e balea adu goe.

1 John 2:11

Aagai tangada e kino i dono daina e noho donu i lo te gohu ma de seesee i lo te gohu, ia e dee gidee danuaa dono haiava e seesee ai, go hiidinga de gohu gu haoli luoono mada.