Isaiah 57:2 - De Beebaa Dabu

² Dangada e hai hegau laa i de heohi e ulu naa ga kave de baba; gilaadeu e mmabu naa i delaadeu maakau.

Isaiah 57:2 Iomraidhean Croise

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

2 Chronicles 16:14

Gai gilaadeu ne danu ia i lo te daanunga aana gu hoda laa i de aduhale o David. Gai gilaadeu ne hhao ia gi lo te ngavesi iai mee maanongi ma mee hagamanongi lagolago, ma de dahu dahi ahi laumalie mmao e hagadubu ai ia.

De Beebaa go Job 3:17

De gau baubau gu dee hai mee gi hai ngadaa i kilaa, gai gilaadeu e daalea gu hagammabu.

Psalm 37:37

Daumada ina tangada e dee haisala, gai diiloo dagodo o tangada heohi; tangada daudonu e soa naa ono hagadiilinga.

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Isaiah 14:18

Hodooligi alodahi o denga huaahenua e daakodo i lodo olaadeu daanunga i de mahamaha.

Isaiah 26:7

De haiava o tangada heohi e soe; gai koe e hai naa gi soe de haiava o tangada heohi.

Jeremiah 6:16

E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’

Ezekiel 32:25

Dangada gu hai dono daanunga madali ono daane soa ne daia laa ga maakau i kilaa. Gilaadeu alodahi tigi tuu dagaholiage, ne daia ga maakau i de gadilaasa, go hiidinga gilaadeu ne hagamaatagu dangada e mouli i honga de henua. Gilaadeu ne dookaa madali dangada gu loiho gi lo te geelonga; gilaadeu gu daakodo madali dangada ne daia ga maakau.

Daniel 12:13

Aagai koe, hannoo i doo haiava, ga dae ai gi de hagaodi, gai koe ga hagamabu, gai laangi hagaodi naa huu, gai koe e kave naa tuuhanga gu hagadabena adu gi de goe i laangi hagaodi.”

Matthew 25:21

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Luke 16:22

Gai de masavaa huu o taane hagaau aloha laa ne magau ai, gai de gau de langi ga gaavage ia gi de gaogao o Abraham. Taane lava laa ne magau hogi ga danu,

Luke 2:29

“Tagi Maolunga, dugua mai au, doo dangada hai hegau, gi magau i de baba, bei dau hai gu hagatoo donu ai.

Luke 7:50

Iesu ne hai ange gi de hine laa, “Doo gai gu hagaola goe, hannoo i de baba.”

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

2 Corinthians 5:8

Gimaadeu e llodo mmahi ma de malangilangi i de dugu de hale go odaadeu angaanga nei, gai ga hulo e nnoho madali Tagi Maolunga.

Philippians 1:23

Au gu lua lodo i dagu maanadu luu mee nei: au e lodo e hano gee mai i de mouli nei e hano gi daho Klisdo, go hiidinga e kii ange donu i tanuaa.

Revelation 14:13

Gai au ne langona dahi leo mai i de langi, e hagadaba, “Siia de mee nei: E manuuia tangada e magau i lodo o Tagi Maolunga mai iainei ga hano ai.” Gai de Hagasaalunga ⌊Dabu⌋ ne hagadaba, “Uaa, gilaadeu e manuuia donu! Gilaadeu e hagammabu naa i alaadeu hegau, gai alaadeu hegau e daudali ange naa donu huu i gilaadeu.”