Isaiah 57:1 - De Beebaa Dabu

¹ Tangada heohi gu magau, gai e deai donu dangada e anga ange aagena; dangada e haia de mee abodonu gu gaavee gee, gai e deai donu dangada e iloo. Go hiidinga tangada heohi ne gaavee gee e hagaola mai ai ia i de baubau.

Isaiah 57:1 Iomraidhean Croise

1 Kings 14:13

Gai de gau Israel alodahi e tangi naa i de ia, ma de danu ia; gai go ia donu huu tama a Jeroboam e danu i lo te daanunga, go hiidinga go ia donu huu i de huaabodu o Jeroboam o Tagi Maolunga, de Maadua o Israel, e malangilangi ai.

2 Kings 22:20

Deelaa ai, au e dugu adu naa goe gi magau bei dagodo oo dubuna madagidagi, ga danu i de masavaa o de nnoho paba. Koe e dee gidee naa denga mee hai ngadaa aagu e hai gi loomai gi de mommee nei.’ ” Gai denga daane laa ne aahe ga tala ange muna laa gi de hodooligi.

2 Chronicles 32:33

Gai Hezekiah ne magau bei ono dubuna, ga danu i honga tuuduu iai daanunga o de aamuli o David. Gai dangada alodahi i Judah ma dangada e nnoho i Jerusalem ne hagadubu ia i de masavaa oona ne magau ai. Gai dana dama daane go Manasseh ne sui ia ga hodooligi ai.

2 Chronicles 34:28

Tilo, au e dugu adu naa goe gi magau bei dagodo oo dubuna madagidagi, ga danu i de masavaa o de nnoho paba. Koe e dee gidee naa denga mee hai ngadaa aagu e hai gi loomai gi de mommee nei ma dangada iai.’ ” Gai denga daane laa ne aahe ga tala ange muna laa gi de hodooligi.

2 Chronicles 35:24

Gai ono dangada hai hegau ga aau gee ia mai i lo te hada hebagi ga kave gi dahi hada gee ga kave ai ia gi Jerusalem. Gai ia ne magau ga danu i lodo daanunga a ono dubuna madagidagi. Gai dangada alodahi i Judah ma Jerusalem ne tangi i hiidinga o Josiah.

Psalm 12:1

Tagi Maolunga, balea mai au, i hiidinga gu deai donu dangada heohi e doe; gu deai donu dangada e hai hegau i de mee abodonu e doe i daho dangada.

Psalm 37:37

Daumada ina tangada e dee haisala, gai diiloo dagodo o tangada heohi; tangada daudonu e soa naa ono hagadiilinga.

Isaiah 42:25

Deelaa ai, ia ne gaamai gi de ia de hagaduasala i de kona dono lili, ma de hebagi laumalie. Gai ne duuli luoono baasi i de ahi ula, aagai ia tee donu ange aagena; de ahi ne dudu ia, aagai gilaadeu tee maanadu dagodo o mee laa.

Isaiah 47:11

De hai ngadaa e dae mai naa donu gi de goe, gai koe e dee maua donu i de hagaola goe. Dahi hai ngadaa e duu adu naa gi de goe gai koe e dee maua naa donu gi ola mai ai, gai de hai ngadaa aau e dee gidee laa e daa hagalele naa donu de hai adu gi de goe.

Isaiah 47:7

Koe ne hagadaba, “Au se hine hodooligi ga hano ai e dee ngado mai.” Aagai koe tee hagasaele donu dagodo o mee nei, aabe ne maanadu dagodo o de hagaodi o au hegau.

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Jeremiah 18:11

Deenei ai, hai ange gi dangada o Judah ma dangada e nnoho i Jerusalem, ‘E hagadaba Tagi Maolunga: Tilo, au gu hagadabena dahi hai ngadaa e gaamai gi goodou, ma de hai dahi hagatau e hai baasi adu ai gi goodou. Gai dahi ma dahi gi hano gee mai i ana hegau baubau, ma gi suuia oodou mouli ma oodou hegau.’

Jeremiah 22:10

Goodou aude tangi i de hodooligi gu magau laa, be gi hinangalosaa i de ia; aagai goodou gi tangi i tangada gu gaavee laa gi dahi henua gee, go hiidinga ia e dee ahe mai naa donu aabe e ahe ange e gidee dono henua donu.

Ezekiel 21:3

hai ange gi de henua laa, ‘E hagadaba Tagi Maolunga: Tilo, au e hai baasi adu donu gi de goe. Au e dada mai naa dagu gadilaasa i lo tono hale e daa ai gi maakau dangada heohi ma de gau baubau alodahi i oo daha.

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Numbers 23:10

Goai e maua i de dau gelegele o Jacob, be go de dau e dahi diba i diba e haa o Israel? Dugua mai au gi magau bei de gau heohi, gai dogu hagaodi gi bei de hagaodi olaadeu mouli!”