Isaiah 5:5 - De Beebaa Dabu

⁵ Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Isaiah 5:5 Iomraidhean Croise

Genesis 11:4

Gai gilaadeu ga hagataba, “Loomai, gidaadeu ga hagaduu dahi aduhale moodaadeu, ma dahi hale maolunga, ga hai de ulu gi dae age gi lo te langi i lunga, gai gi duuhia ai e dangada gidaadeu, gai gi dee mavaevae saele ai gidaadeu i henua i lalo.”

Genesis 11:7

Loomai, gidaadeu ga loiho e hai gi dee heloongoi gilaadeu i alaadeu muna, gi dee maua ai e dahi i de donu ange gi muna a tangada ange laa.”

Nehemiah 2:3

aagai au ne hai ange gi de hodooligi, “Gi daulooloa de mouli o de hodooligi! Gai gu aha gu dee lodo baubau ai au, gai de aduhale iai daanunga o ogu dubuna madagidagi e maoha ma e dagodo ai, ono haitoga gu dudu ma gu maoha?”

Psalm 89:40

Koe gu oha de buibui o dono aduhale, gai koe gu oha ono hale buibui makaga.

Psalm 89:41

Dangada alodahi e seesee laa i kilaa gu gaiaa goloa iai, gai dangada e paa ange gi kilaa gu doo mee ai.

Proverbs 24:31

gai tilo, gu ssomo ai denga manu daladala ma manu dabeo, gai de bae i luu baasi gu maoha.

Ecclesiastes 3:3

e dahi masavaa e daa ai gi maakau, gai e dahi hogi masavaa e hagaieiangi ai; e dahi masavaa e oha ai, gai e dahi hogi masavaa e hagaduu age ai;

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Isaiah 28:18

Doodou hagatoo donu hagaheloongoi madali de magau e hagadeai naa; doodou hagaheloongoi ne hai madali de mommee o de gau maakau e dee sula naa donu. Gai de masavaa naa huu e dae mai ai de hai ngadaa laumalie, gai goodou e dee pau ange donu aagena.

Isaiah 28:3

De aduhale a de gau ssenga o Ephraim e tuhi laa e dagadagahia naa gi lalo vae o dangada.

Isaiah 32:10

E dahi ange naa donu huu ngadau ma hanu mee, gai goodou e nnoho paba naa e bolebole naa; i hiidinga gu deai donu grape e hagihagi, gai gu deai hogi se hagihagi o denga huamanu ange laa.

Jeremiah 18:11

Deenei ai, hai ange gi dangada o Judah ma dangada e nnoho i Jerusalem, ‘E hagadaba Tagi Maolunga: Tilo, au gu hagadabena dahi hai ngadaa e gaamai gi goodou, ma de hai dahi hagatau e hai baasi adu ai gi goodou. Gai dahi ma dahi gi hano gee mai i ana hegau baubau, ma gi suuia oodou mouli ma oodou hegau.’

Jeremiah 21:4

‘E hagadaba Iahweh, de Maadua o Israel: Tilo, au gu dai hai baasi adu naa gi goodou i goloa hebagi, oodou e hebagi ange ai naa gi de hodooligi o Babylon, ma de gau Babylon, i tua de buibui o de aduhale. Gai au e hagabuni mai naa gilaadeu gi lo te aduhale nei.

Jeremiah 28:8

Denga pelaabisi gu loomai laa i mua, i denga masavaa gu hulo ne tala bolo denga hebagi, ma onge, ma mee hagamaakau e hai ange naa gi henua lagolago aama denga nohoanga hodooligi maolunga.

Jeremiah 45:4

E hagadaba Tagi Maolunga, “Daalaa ange muna nei gi de ia, ‘Tilo, au e oha naa agu mee gu hagatuu age ma de unuunusi age agu mee gu doo gi ssomo, i de henua alodahi.

Lamentations 1:15

De Ia Aamua gu tili denga daane hebagi alodahi i lo te aduhale; ia ne hagahi dahi hagabuulinga hebagi gi humai gi daia agu dama daane. De Ia Aamua gu dagadagahi tamaa hine o Judah, bei de hai e dagadagahi ai laa denga grape i de mommee kumi uvaini.

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Lamentations 4:12

Denga hodooligi o henua i lalo tee hagadonusia, dangada e nnoho i henua i lalo tee hagadonusia hogi, bolo denga hagadaumee ma dangada e kino i Jerusalem e maua i de ulu i ono haitoga.

Daniel 8:13

Gai au ne langona dahi dangada de langi dabu e basa laa, gai dahi dangada de langi dabu ange laa ne ssili ange gi de ia, “Dee hee maa de masavaa e hagasula ai de midi o denga sigidaumaha dudu i de laa tubua, ma de haisala e haia laa ga ngadi dagodo de mommee dabu laa, aama de dagadagahia o de hagabuulinga hebagi laa?”

Hosea 2:12

Au e sele iho naa ana grapevine ma ana fig go mee aana e hagadaba laa bolo go dono hagaoanga mai i daho ono dau soa. Au e hai naa mommee laa gi se lodo henua, gai denga manu lodo henua e gai naa mee iai.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.