Isaiah 5:4 - De Beebaa Dabu

⁴ Ni aha ange aagu tee hai ange laa gi dagu veelengaa grape? Au ne tali gi loage ai denga grape danuaa, gai gu aha gu ni grape baubau donu huu ne hhua mai ai?

Isaiah 5:4 Iomraidhean Croise

Exodus 37:22

Denga gau ma denga laa ne hai gi buni ma de angaanga, gai de laama alodahi ne hai i goolo danuaa ne dugidugi i de haamaa.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Jeremiah 2:21

Au ne doo goe gi se grapevine danuaa, se golee mai i de manu danuaa. Gai gu aha goe gu hai baasi mai gi de au ma gu sui ma gu se grapevine lodo henua?

Jeremiah 2:5

E hagadaba Tagi Maolunga: “Se baubau aha a oodou dubuna ne gidee laa i ogu daha, gai gilaadeu ga hagammao gee ai laa i de au? Gilaadeu ne daudali ange i denga diinonga dee haigamaiana, ga deai ai olaadeu haigamaiana.

Jeremiah 24:2

Dahi gede iai denga hua fig danuaa mmao, bei denga hua e lleu laa i taamada, aagai de gede ange laa iai denga hua fig gu pobo baubau, gu dee maua donu i de gai.

Jeremiah 7:25

Mai i de masavaa o oodou dubuna madagidagi ne ssao mai ai i Egypt ga dae mai ai gi anailaa nei, gai tee modu dagu hai gi loomai ogu dangada hai hegau go denga pelaabisi gi olaadeu daha.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.

Ezekiel 24:13

Koe gu hakino gee i hiidinga o au dahulinga baubau; au ne hagatale de hagagilimalali goe, gai koe tee gilimalali donu. Deelaa ai, koe e dee maua donu gi gilimalali ga dae ai gi de sili dogu bole i dua dagu hagaduasala goe.

Hosea 10:1

Israel e bei dagodo o dahi grapevine lau kohu, gu loage laa ono hua. Gai ga hagadaga ange huu de lagolago ono hua gai ia ga hagaduu gu kii ange de lagolago ono mommee o ssigidaumaha. Gai ga hagadagadaga age huu dono lava, gai ia ne hagalaagii ono duludulu hadu dabu.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!