Isaiah 5:2 - De Beebaa Dabu

² Ia ne hagabalabala de gelegele ga aau age denga hadu, gai ga doo i denga grapevine danuaa hugadoo. Ia ne hagaduu hogi dahi hale dagitilo i kilaa ma de hai dahi mommee e kumi ai uvaini. Gai ia ne tali gi hhua mai ai denga grape danuaa, aagai ni grape baubau donu huu ne hhua mai ai.

Isaiah 5:2 Iomraidhean Croise

2 Samuel 7:10

Gai au e hagadabena naa dahi mommee moo ogu dangada go de gau Israel, gi dahi ai olaadeu mommee donu, gu deai dangada e hakoso ina gilaadeu. Gai de gau baubau gu dee aahe ange e vaivai hai gilaadeu, bei alaadeu mee ne hai i taamada,

Nehemiah 13:15

Laangi laa gai au ne gidee hanu dangada o Judah e dagadagahi denga grape i de mommee kumi uvaini i de laangi o Sabbath, ma de hagauda mai denga noodangaa grain i honga denga donkey, ma uvaini, ma grape, ma fig, aama denga hagadaagangaa mee alodahi ma e gaamai gi Jerusalem i de laangi o Sabbath. Gai au ga hai ange gilaadeu gi dee hagao ina gai laa i de laangi.

Psalm 80:8

Koe ne sigi mai dahi grapevine i Egypt, koe ne aau gee denga huaahenua gai ga doo de grapevine laa.

Psalm 80:9

Koe ne hagamalaelae de gelegele ga doo ai, gai gu ssomo ono aga, gai de manu laa gu somo ga haoli honga de henua.

Exodus 33:16

Gai dee hee ai naa de hai a dangada e iloo ai bolo koe e malangilangi i de au, go gimaadeu ma doo huaadangada? E aha, e dee go doo hano madali gimaadeu e haia ga dagodo gee gimaadeu, go au ma oo dangada, mai i denga huaadangada ange laa i henua i lalo?”

Isaiah 1:8

Tamaa hine o Zion gu ngadi duu donu huu bei de baasi hale i lo te veelengaa grape, ma de baasi hale i lo te veelengaa kiulii, gu bei de aduhale e duuli ina luu baasi i denga daane hebagi.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Jeremiah 11:17

Tagi o denga hagabuulinga hebagi, go de ia ne dooa goe, gu hagamodu dahi hai ngadaa e hai adu gi de goe, go hiidinga baubau o dangada o Israel ma dangada o Judah gu hagadaemaha ogu lodo, i delaadeu dudu ange denga mee maanongi gi Baal.”

Jeremiah 2:21

Au ne doo goe gi se grapevine danuaa, se golee mai i de manu danuaa. Gai gu aha goe gu hai baasi mai gi de au ma gu sui ma gu se grapevine lodo henua?

Hosea 10:1

Israel e bei dagodo o dahi grapevine lau kohu, gu loage laa ono hua. Gai ga hagadaga ange huu de lagolago ono hua gai ia ga hagaduu gu kii ange de lagolago ono mommee o ssigidaumaha. Gai ga hagadagadaga age huu dono lava, gai ia ne hagalaagii ono duludulu hadu dabu.

Micah 4:8

Gai koe, de hale dagitilo o denga ssiibi, go de mommee buibui makaga o tamaa hine o Zion, doo sauaa e hagaahe adu naa gi de goe; gai de nohoanga hodooligi e ahe ange naa gi tamaa hine o Jerusalem.”

Numbers 23:9

Au ne gidee adu gilaadeu i ulu denga mounga, ma de tilo adu gilaadeu i honga denga duuduu; gilaadeu se huaadangada e nnoho donu huu i gilaadeu, gilaadeu e dee dau ange gi denga huaahenua ange laa!

Matthew 21:19

Gai ia gu gidee dahi fig e somo i gaogao de haiava, gai ia ne hano e tilo be hanu hua iai, gai ia tee gidee hanu hua i de manu laa, gai ni lau manu donu huu iai. Gai ia ga hai ange, “Koe e dee ahe ange naa donu e hua!” Gai de fig laa gu mmae i de masavaa laa donu huu.

Matthew 21:33

“Goodou nnoho mai ange hagalaangona dahi mee hagasengasenga. E dahi daane aamua ne doo dahi veelengaa grape ga buibui luu baasi, ma de geli dono mommee kumi grape, aama de hagaduu ai dahi hale dagitilo, ga dugu ange gi hanu dangada hai veelenga, gai ia ga hano gi dahi henua gee.

Matthew 21:34

Gai de masavaa huu ne maatua ai hua o dana veelenga, gai ia ne hai gi hulo ono dangada hai hegau, gi daho dangada e diiloo ange dana veelenga, gi gaavee ai dana diba mai i denga huamanu.

Mark 11:13

Gai ia gu gidee adu dahi fig gu hanu ono lau, gai ia ne hano e tilo be hanu ana hua e gide ai. Gai ga dae huu ia gi gaogao de manu laa, gai teai donu hua aana ne gide ai, ni lau manu donu huu, go hiidinga tigi dae de masavaa e hhua ai denga fig.

Mark 12:1

Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.

Mark 12:2

Gai de masavaa huu o de hagihagi, gai ia ga hai dahi ono dangada hai hegau gi hano gi daho dangada e diiloo ange de veelenga, gi gaavee ai dana diba mai i denga huamanu o de veelenga laa.

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

1 Corinthians 9:7

Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?

Deuteronomy 32:6

De gau ssenga ma teai oodou mee e iloo, deenei doodou hai e hagao ange ai Tagi Maolunga? E dee go ia doodou Damana ne haia ina goodou, ma de hai goodou ga se huaahenua?

Judges 16:4

Dua mee nei gai Samson gu aloha i dahi hahine i de geelonga go Sorek, dono ingoo go Delilah.