Isaiah 5:12 - De Beebaa Dabu

¹² Gilaadeu e hanu harp ma lyre i alaadeu daonga, ma tambourine ma flute aama uvaini; aagai gilaadeu e hagangadi mee hegau a Tagi Maolunga, aama tee hagadubu ana hegau e hai.

Isaiah 5:12 Iomraidhean Croise

Genesis 31:27

Gu aha gu mmuni ai laa goe e hano ai, ma de doo gaiaa au, gai tee tala mai gi de au, gai au ga hai ai taonga e malangilangi ai ma de daahili aama hagadangidangi i denga tambourine ma harp, i mua dagu dugu goe gi hano?

2 Samuel 19:35

Anailaa nei gai au gu madavalu ogu ngadau. Au gu dee maua i de vvae de mee danuaa mai i de mee baubau. Doo dangada hai hegau gu dee maua hogi i de mami ana mee e gai ma de unu. Au gu dee maua hogi gi langona leo o denga daane ma haahine e daahili ai. Dogu dangada aamua, go de hodooligi, au e dee hano naa donu huu ga hakoso ai goe.

De Beebaa go Job 34:27

go hiidinga gilaadeu gu daahuli gee ma gu dee daudali ange i de ia, gilaadeu gu hagangadi mee ono haiava.

Psalm 28:5

Go hiidinga gilaadeu e hagangadi mee hegau a Tagi Maolunga, ma ana hegau hagalele mouli ne hai, ia e oha naa gilaadeu gai e dee hagaahe age naa donu.

Isaiah 22:13

Aagai tilo, goodou e daonga i de malangilangi ma de hagalongaa, goodou e daa naa denga kaau ma ssiibi ga gai ma de unu uvaini. Goodou e hagataba, “Gidaadeu ga gaimee ma de unu uvaini, go hiidinga daiao gai gidaadeu e maakau!”

Isaiah 24:8

Gai gu tuu de malangilangi ma de hagadangidangi i denga tambourine; gu tuu hagalongaa o dangada e haia daonga, gu dee hagadangidangi i denga harp ma de malangilangi.

Isaiah 29:1

E vakaa naa goe, Ariel, Ariel, de aduhale o David nogo noho ai! Goodou e hai oodou daonga i ngadau alodahi i denga masavaa gu hagailonga.

Isaiah 5:19

gai dangada e hagataba laa, “Tagi Maolunga gi hagamoolau, ia gi moolau de hai ana hegau gi gidee ai gimaadeu. Haia mee nei gi tae mai, gai gi moolau de hai hegau a de Ia Dabu o Israel, gi iloo ai e gimaadeu!”

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

Ezekiel 26:13

Gai au e hai naa gi deai dangada e daahili i kilaa, ma de hai gi dee langona de leo o de mee hagadangidangi iai daula.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Luke 16:19

“E dahi daane lava, e gahu i malo purple ma linen danuaa aama de hai daonga i laangi alodahi.

1 Corinthians 14:7

Gai e bei ai hogi dagodo o denga mee hagadangidangi bei de flute aabe go de harp: dee hee de hai a dangada e iloo ai be se daahili bee hee gu hagadangidangi ai laa, noo e dee ili be tale gi molomolo?

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

1 Samuel 12:24

Aagai goodou dagidiiloo gi maatagu goodou i Tagi Maolunga, ma de daumaha ange gi de ia i de muna abodonu i oodou lodo alodahi; goodou manadua denga hegau hagalele mouli aana gu hai adu gi goodou.