Isaiah 48:9 - De Beebaa Dabu

⁹ Au ne daohi dogu bole i hiidinga o dogu ingoo; au ne daohi dogu lili i de goe, gi duuhia ai au, gi dee hagalilo ina ai e au goe.

Isaiah 48:9 Iomraidhean Croise

Psalm 106:8

Aagai ia ne hagaola gilaadeu i hiidinga o dono ingoo, gai ia ga hagaago mai ai dono sauaa mmahi.

Psalm 143:11

Tagi Maolunga, hagaola ina dogu mouli i hiidinga o doo ingoo; hagaola ina dogu mouli mai i ogu hai ngadaa, i hiidinga koe e heohi.

Psalm 25:11

Tagi Maolunga, go hiidinga doo ingoo, degi mai gi ogu baubau, gai e lagolago mmao.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Psalm 79:9

Balea mai gimaadeu, de Maadua demaadeu Ia Hagaola, gi hagamahamaha ina ai doo ingoo; hagaola ina gimaadeu ma de degi mai gi omaadeu haisala, i hiidinga doo ingoo.

Proverbs 19:11

Tangada maanetonu e dee moolau de lili, gai ia e hagadubulia i dono dee anga ange gi de haisala ange o dahi gi de ia.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 37:35

Gai au e buibui naa donu ma de hagaola de aduhale nei, i hiidinga o dogu ingoo ma hiidinga o dogu dangada hai hegau go David.”

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 48:11

Go ogu hiidinga, go ogu hiidinga donu aagu ne hai ai de hegau nei. Dee hee dagu hai e dugu ange ai dahi gi hagangadi mee ina dogu ingoo? Au e dee dugu ange naa donu dogu mahamaha gi dahi dangada gee.

Isaiah 65:8

E hagadaba Tagi Maolunga, “De masavaa e hanu ai vai huamanu i lodo gau looloa grape, gai dangada e hagataba, ‘Aude oha de mee naa, go hiidinga e hanu manuuia iai,’ gai e bei ai hogi dagu hai e hai ai ogu dangada hai hegau; au e dee daa naa donu gilaadeu alodahi gi maakau.

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Ezekiel 20:14

Aagai au tee hai donu mee nei, i hiidinga o dogu ingoo, gi dee hagangadi mee ina ai dogu ingoo i daho denga huaahenua, go gilaadeu ne gidee dagu hagassao mai de gau Israel i Egypt.

Ezekiel 20:22

Aagai au tee hai mee nei i hiidinga dogu ingoo, gi dee hagangadi mee ina ai au i daho denga huaahenua, go gilaadeu ne gidee dagu hagassao mai gilaadeu.

Ezekiel 20:44

Gai gi iloo ai e goodou bolo go au donu go Iahweh, i de masavaa aagu e abodonu adu ai gi goodou i hiidinga o dogu ingoo, e dee hagaduasala goodou gi bei dagodo o oodou hegau baubau ma oodou dahulinga hakino gee, de gau Israel, go de Ia Aamua go Iahweh e hagadaba.’ ”

Ezekiel 20:9

Aagai au ne hai mee nei i hiidinga o dogu ingoo, gi dee hagangadi mee ina ai dogu ingoo i daho denga huaahenua olaadeu e nnoho laa i olaadeu magavaa. Gai au ne hagaago ange ogu dagodo gi de gau Israel, i dagu hagassao mai gilaadeu i de henua go Egypt.

Ezekiel 36:21

Au e manavasaa i hiidinga o dogu ingoo dabu, go de ingoo a de gau Israel ne hagangadi mee laa i daho denga huaahenua olaadeu ne hulo laa ga nnoho ai.

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.