Isaiah 48:4 - De Beebaa Dabu

⁴ Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Isaiah 48:4 Iomraidhean Croise

2 Kings 17:14

Aagai gilaadeu tee hagallongo mai, gai ne hagamakaga olaadeu lodo, bei olaadeu damana, go dangada tee hagadonusia Tagi Maolunga delaadeu Maadua.

2 Chronicles 30:8

Goodou aude hagamakaga ina oodou lodo bei oodou dubuna madagidagi, gai dugua ange goodou gi Tagi Maolunga, ma de loomai gi dono hale dabu, aana gu lava laa i de hagadabu ga hano ai. Goodou daumaha ange gi Tagi Maolunga doodou Maadua, gi dee hagaduasala ina ai e ia goodou i dono bole.

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

Nehemiah 9:28

Aagai de masavaa huu olaadeu ne nnoho paba ai, gai gilaadeu ga aahe ange ga hai de baubau i mada luoo mada; gai koe ga tili ange gilaadeu gi olaadeu hagadaumee gi hagadee kii ina, gai gilaadeu gu nnoho i lalo olaadeu hagadaumee. Gai de masavaa huu olaadeu ne daahuli mai ai ga tangi adu gi de goe, gai koe gu langona delaadeu tangi mai i de langi. Gai ne lagolago hanonga aau ne hagaola ai gilaadeu, i hiidinga doo lodo aloha.

Psalm 75:5

aude hagamaolunga gi hai baasi ange ai gi de langi, aude basa hagamaolunga i de hagamakaga oo lodo.’ ”

Psalm 78:8

Gai gi dee bei ai gilaadeu dagodo olaadeu maadua — olaadeu dubuna se atangada e makaga olaadeu lodo ma de hagamaanege, olaadeu lodo tee maua i de tuu gi makaga, gai olaadeu hagasaalunga tee hai hegau ange gi de Maadua i de mee abodonu.

Exodus 32:9

Gai Tagi Maolunga ne hai ange gi Moses, “Au gu lava donu i dagu gide dagodo o de huaadangada nei, gilaadeu ni dangada donu makaga olaadeu lodo.

Exodus 33:3

Goodou loage hulo gi de henua iai vai uu ma hooni lagolago; aagai au e dee hanage madali goodou, go hiidinga goodou ni dangada makaga oodou lodo, kana daia e au goodou ga maakau i taadeu seesee e hulo.”

Exodus 33:5

Go hiidinga Tagi Maolunga gu hai ange gi Moses, “Daalaa ange gi de gau Israel hai ange, ‘Goodou ni dangada makaga oodou lodo; gai noo au e hano madali goodou i dahi damaa masavaa, gai au e daa naa goodou gi odi i de maakau. Deenei ai, goodou aaua gee oodou mee hagalaagii ma mee kahu hagadanuaa, gai au ga hili ai be se aha e hai adu gi goodou.’ ”

Exodus 9:7

Gai Pharaoh ne hai hanu gi hulo gi diiloo, gai gilaadeu gu gidee bolo teai donu se manu daudahi a de gau Israel ne magau. Aagai Pharaoh ne hagamakaga ono lodo; ia tee dugu de gau Israel gi hulo.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 46:12

Goodou de gau makaga oodou lodo, nnoho mai hagalaangona agu muna; go goodou e mmao gee i de mee heohi:

Jeremiah 19:15

“E hagadaba Tagi o denga hagabuulinga hebagi, de Maadua o Israel: Tilo, au e hai naa gi humai gi de aduhale nei ma ono aduhale vaaligiligi alodahi de hai ngadaa aagu gu tala laa bolo e hai ange gi gilaadeu, go hiidinga gilaadeu ne hagamakaga olaadeu lodo, gilaadeu tee llodo e hagallongo mai gi agu muna.”

Jeremiah 3:3

Deenei ai, de langi gu daohi gi dee pala, gai gu dee pala de langi i taamada o de ngadau. Gai koe gu bei dagodo o de hine hai be se manu; koe e dee dogaa donu i au hegau hagadookaa dangada.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.

Ezekiel 2:4

Gai olaadeu hagadiilinga ni dangada hagamaanege ma de makaga olaadeu lodo. Gai au e hai goe gi hano gi hai ange gi gilaadeu, ‘E hagadaba de Ia Aamua go Iahweh.’

Daniel 5:20

Aagai de masavaa huu oona ne lodo maolunga ai ma de hagamakaga ono lodo i dono hagamaolunga, gai dono nohoanga hodooligi ma dono mahamaha gu kave gee mai i ono daha.

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Deuteronomy 10:16

Deenei ai, goodou tuu dagaholiage ina oodou lodo, gai gi dee hagamakaga ina oodou lodo.

Deuteronomy 31:27

Go hiidinga au e iloo bolo goodou e kona donu de hai oodou hai ma de makaga oodou lodo. Iainei donu i dogu masavaa goi mouli ai, gai goodou e hai baasi ange donu gi Tagi Maolunga, gai e kii ange naa donu doodou hai mee nei i dua dogu magau.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.