Isaiah 48:1 - De Beebaa Dabu

¹ Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Isaiah 48:1 Iomraidhean Croise

Genesis 32:28

Gai ia ga hai ange, “Koe gu dee hagaingoo ange go Jacob, aagai go Israel, go hiidinga koe gu daudau ange gi de Maadua ma dangada, gai koe gu kii.”

Genesis 35:10

Gai de Maadua ne hai ange gi de ia, “Iainei gai doo ingoo go Jacob, aagai doo ingoo gu dee go Jacob. Gai koe gu hagaingoo ange go Israel.” Gai ia ga hagaingoo ange ia go Israel.

2 Kings 17:34

Gai gilaadeu e daudali donu huu i alaadeu dahulinga i mua ga dae mai ai gi anailaa nei. Gilaadeu e dee daumaha ange gi Tagi Maolunga, gai e dee daudali i denga hainga gu hagasauaa, ma hagamodu, ma hainga ma muna a Tagi Maolunga gu tala ange gi hagadiilinga o Jacob, go de ia aana ne hagaingoo ange laa go Israel.

2 Kings 5:20

gai Gehazi, tangada hai hegau o Elisha, taane o de Maadua, ne hagadaba i ono lodo, “Tilo, dogu dangada aamua ne dugu Naaman, taane Syria gi hano; ia tee kave goloa aana ne gaamai. Au e hagatoo donu i de mouli o Tagi Maolunga, bolo au e savini naa e hano e kave hanu goloa laa mai i ono daha.”

Psalm 63:11

Aagai de hodooligi e malangilangi i de Maadua; dangada alodahi e hagatoo donu i de ingoo o de Maadua e tuhi naa ia, gai de gau hadu muna e pono naa olaadeu ngudu.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Psalm 68:26

Hagadegi ina de Maadua i lo te hagabuulinga laumalie, hagadegi ina Tagi Maolunga, goodou de hagabuulinga o de gau Israel.

Psalm 68:27

De aamuli o Benjamin e sogoisi laa ono dangada, e dagi gilaadeu, gai denga dagi soa o Judah i kilaa hogi, aama denga dagi hogi o Zebulun ma Naphtali.

Exodus 23:13

Gai goodou kana ange daudali i muna alodahi aagu gu tala adu gi goodou. Goodou aude dalodalo i ingoo o denga diinonga, aabe e dagudagu olaadeu ingoo i oodou ngudu.

Proverbs 5:16

Aude dugua ange ono vai gi ssali gi hulo gi hanu mommee gee, aabe go honga haiava o dangada!

Isaiah 26:13

Tagi Maolunga, demaadeu Maadua, gu hanu ange donu ne dagina gimaadeu, aagai go koe donu huu amaadeu e hagadubu.

Isaiah 44:5

Dahi e hagadaba naa, ‘Au se dangada niio Tagi Maolunga,’ gai dahi e kave naa de ingoo go Jacob; gai tangada ange laa e sisi ange naa gi honga dono lima, ‘Nii Tagi Maolunga’, ma de kave de ingoo go Israel.”

Isaiah 45:23

Au gu hagatoo donu i dogu ingoo, gai au gu tala muna nei i de heohi, gai e dee haihai naa donu ga hagaahe dua: Dangada alodahi e duuduli naa ga ino i mada luoogu mada; gai gilaadeu alodahi e hagatoo donu naa i dogu ingoo.

Isaiah 46:12

Goodou de gau makaga oodou lodo, nnoho mai hagalaangona agu muna; go goodou e mmao gee i de mee heohi:

Isaiah 51:1

Nnoho mai hagalaangona agu muna, goodou e hai hegau i de heohi, ma goodou e saalaa Tagi Maolunga: goodou kalo ange diiloo de baba oodou ne hoda mai ai laa, ma de baba oodou ne tuu mai ai;

Isaiah 51:2

goodou kalo ange diiloo doodou dubuna madagidagi go Abraham, ma Sarah, ne hanaua naa goodou. De masavaa aagu ne hagahi ai Abraham, gai ia e dahi donu huu, gai au ne hagamanuuia ia ga hai gu soa ono hagadiilinga.

Isaiah 58:2

Laangi alodahi gai gilaadeu e ssala ngau, e dagodo be gilaadeu e llodo gi iloo e gilaadeu ogu haiava, gai e dagodo be gilaadeu se huaahenua e haia de mee heohi, gai gilaadeu tigi tili donu muna a delaadeu Maadua. Gilaadeu e ssili mai dagodo o ogu hagamodu heohi, e dagodo be gilaadeu e malangilangi i de hagabaa ange o de Maadua.

Isaiah 62:8

Tagi Maolunga gu haalo dono lima madau ma gu hagatoo donu i dono sauaa ma gu hagadaba, “Au e dee ahe ange naa donu e gaavange oodou grain e gai oodou hagadaumee, gai de gau henua gee e dee aahe ange naa donu e unu uvaini hoou oodou ne hagadaalea ange aagena;

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Isaiah 65:16

Gai be goai naa huu e hagamanuuia ina dahi i honga de henua, gai ia e hai de mee nei i de ingoo o de Maadua abodonu; gai tangada e haia dahi hagatoo donu i honga de henua, e hagatoo donu naa i de ingoo o de Maadua abodonu. Gai mee hai ngadaa gu hai i mua e ngalo naa, gai gu haoli gi dee gidee e au.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Jeremiah 44:26

Aagai goodou nnoho mai hagalaangona muna a Tagi Maolunga, dangada o Judah alodahi e nnoho laa i de henua go Egypt: Tilo, au gu hagatoo donu i dogu ingoo maolunga, go Tagi Maolunga e hagadaba, bolo dangada o Judah e nnoho saele laa i Egypt e dee aahe ange naa donu e hagatoo donu i dogu ingoo e hagataba, ‘Au e hagatoo donu i de mouli o de Ia Aamua go Iahweh.’

Jeremiah 5:2

Gai ga hagataba naa donu gilaadeu, ‘Gimaadeu e hagatoo donu i de mouli o Tagi Maolunga’, aagai gilaadeu e dee hagatoo donu i de muna abodonu.”

Leviticus 19:12

Goodou aude hagatoo donu i dogu ingoo i de hadu muna, aabe gi hagangadi mee ina de ingoo o doodou Maadua. Go au donu go Iahweh.

Micah 2:7

Dangada o Jacob, e heohi taadeu hagataba, “E aha, de Hagasaalunga o Tagi Maolunga gu dee maua i de golomagi ono lodo? Gai aanei ana hegau e hai?” E aha, agu muna e dee hai ange laa tanuaa gi tangada e hai hegau i de heohi?

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

Zechariah 5:3

Gai ia ga hai mai gi de au, “De beebaa nei e sisi ai de hagamalaia e gaavange gi honga henua i lalo alodahi; dahi baasi e sisi ai de hagaduasala o tangada gaiaa, gai de baasi ange laa e sisi ai de hagaduasala o tangada e haia dahi hagatoo donu hadu muna.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Numbers 24:7

Denga vai e ssali mai naa i lodo alaadeu bagede; gai ana golee e doo i lodo vai lagolago, gai dono hodooligi e maolunga ange i Agag, dono nohoanga hodooligi e hagaamua naa.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

John 4:24

De Maadua se hagasaalunga, gai gilaadeu e daumaha ange gi de ia gi daumaha ange gi de ia i de hagasaalunga aama de mee abodonu.”

Romans 2:17

Aagai noo koe e hagadaba bolo koe se dangada Ssuu e lango ange gi de hainga, ma de tala hagasoenga bolo koe se dangada niio de Maadua,

Romans 9:6

Aagai e dee go muna a de Maadua e deai ono haigamaiana. Gai e dee go dangada alodahi i de aamuli o Israel, ni dangada Israel abodonu.

Romans 9:8

Deenei tagodo, e dee go denga dama alodahi a Abraham ne hagadili e dau bolo go dama a de Maadua, aagai go dama donu huu a de Maadua ne hagatoo donu ange ai laa gi Abraham e dau bolo go dono hagadiilinga.

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

Deuteronomy 5:28

Gai Tagi Maolunga ne langona oodou muna ne tala mai gi de au, gai Tagi Maolunga ga hai mai gi de au, “Au gu langona muna a dangada gu tala adu gi de goe; gai e danuaa donu alaadeu muna gu tala adu naa.

Deuteronomy 6:13

Goodou maatagu i Tagi Maolunga doodou Maadua, ma de daumaha ange donu huu gi de ia aama de hagatoo donu i dono ingoo.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.