Isaiah 47:8 - De Beebaa Dabu

⁸ Deenei ai, noho mai hagalaangona, de hine e haia donu huu ono mee e lodo ai, ma de noho baba, gai koe e hagadaba i oo lodo, “Go au donu huu, e deai ange donu e bei au. Au e dee haihai naa donu ga see hine gu magau dono bodu, aabe gu maakau agu dama.”

Isaiah 47:8 Iomraidhean Croise

Isaiah 14:14

Au e hanage naa gi maolunga ange au i denga giliiga; au e hai naa gi maolunga bei dagodo o de Ia Maolunga Mmao laa.’

Isaiah 32:11

Goodou denga haahine duadonu e bolebole naa; goodou denga damaa hine nnoho paba e maatagu naa! Goodou e hagaui oodou malo, gai ga nnoa oodou ungaalodo i malo daladala.

Isaiah 32:9

Goodou denga haahine e duadonu laa, hiihidi age hagalaangona agu muna; goodou denga haahine e nnoho paba laa, nnoho mai hagalaangona agu muna!

Isaiah 45:18

Gai e hagadaba Tagi Maolunga, go de ia ne haia de langi, go ia donu go de Maadua, gai go ia ne hagadulagi henua i lalo ga hai gu dahi, gai ia tee hagaduu henua i lalo gi se ngadi mommee, aagai ne hagaduu gi nnoho ai dangada — ia ne hagadaba: “Go au donu go Iahweh, e deai ange donu.

Isaiah 45:5

Go au donu go Iahweh, e deai ange donu, gai e deai ange donu se Maadua e bei ogu dagodo; au e hagammahi naa goe, e dee galemu donu koe tee iloo au;

Isaiah 45:6

gi iloo ai e dangada alodahi mai i de sobo age o de laa ga dae ai gi de danu, bolo e deai ange donu se Maadua bei au; gai go au donu go Iahweh, e deai ange donu.

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Jeremiah 49:31

Hiihidi age hulo hebagi ange gi de huaahenua e nnoho paba laa ma de duadonu, go Tagi Maolunga e hagadaba, se huaahenua e deai ono abaaba aabe ni laagau hagamakaga; e deai hogi dangada e paa ange gilaadeu.

Jeremiah 50:11

Goodou e haia gi de mahi mee o dogu boolonga, go hiidinga goodou ne malangilangi, go hiidinga goodou ne llodo danuaa, goodou e bei de kaau e lele duuduudia laa denga grain, ma de goo bei denga hoosa mmahi,

Jeremiah 51:53

Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Ezekiel 30:9

De laangi laa gai au e hai naa gi hulo de gau hagailoo, i denga vaga gi hagamaatagu ina de gau Ethiopia e nnoho paba laa. Gai gilaadeu e maatagu naa i de laangi o Egypt e hagaduasala ai. Tilo, de mee nei e hai naa donu!

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 4:22

de hodooligi, go koe donu deelaa. Koe gu kona doo maolunga ma de mmahi. Doo maolunga gu hano ma gu dae gi lo te langi, gai doo sauaa e dagi ai e dae gi luu bido o henua i lalo.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Daniel 4:4

Go au go Nebuchadnezzar, au ne noho baba ma de duadonu i dogu hale.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Daniel 5:30

De boo laa gai Belshazzar, de hodooligi o de gau Babylon ne daia ga magau,

Nahum 1:10

Gilaadeu e vinia naa i magavaa manu daladala, bei de gau ssenga e unumia laa uvaini; gilaadeu e dudu naa donu ga odi, bei denga helii mmasa.

Nahum 3:4

i hiidinga dono dagodo haisala bei de hine hai be se manu. Nineveh e mahamaha, ia se hine hai huuhuaa mee, gai se aduhale ne agoagona ange denga huaahenua i ana dahulinga dagodo haisala, ma de hai denga huaadangada gi haia ana huuhuaa mee.

Habakkuk 1:7

Gilaadeu e hagamaatagu ma de maatagu ai o dangada; gilaadeu e hai donu huu olaadeu mee e llodo ai.

Zephaniah 2:15

Deenei de aduhale nogo duuhia laa ono dagodo, ma de noho baba i mua, ma de hagadaba i ono lodo, “Go au tahi, gai e deai ange donu e bei ogu dagodo.” Iainei de aduhale laa gu maoha ma e dagodo ai, gai gu se mommee e nnoho ai denga manu aada! Alodahi e seesee laa ono gaogao e doo mee naa ma de tugi ange olaadeu lima.

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.

Judges 18:27

Gai de gau de aamuli o Dan ga kave denga diinonga a Micah ne hai laa, ma dono dangada haimeedabu ga hulo ai gi Laish, ga hebagi ange gi de hagabuulingaa dangada e nnoho paba ma duadonu i kilaa. Gai gilaadeu ne daa gu maakau dangada alodahi i kilaa, ga dudu delaadeu aduhale.

Judges 18:7

Gai denga daane dogolima laa ne hulo ga tae gi Laish, gai gilaadeu gu gidee bolo dangada e nnoho i kilaa e duadonu, gai alaadeu dahulinga e bei dahulinga a de gau Sidon. Gai e deai donu olaadeu hagadaumee, gai e dee duasala i dahi mee aama de lagolago alaadeu mee. Gai gilaadeu e mmao gee mai i de gau Sidon, gai e deai olaadeu dangada e heloongoi ange aagena.