Isaiah 47:6 - De Beebaa Dabu

⁶ Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Isaiah 47:6 Iomraidhean Croise

2 Samuel 24:14

Gai David ga hai ange gi a Gad, “Au gu duu ange gi dahi hai ngadaa laumalie. Au e dugu ange au gi Tagi Maolunga gi hagaduasala ina, go hiidinga dono lodo aloha e laumalie mmao; aagai au gi dee hagaduasala i daho dahi dangada.”

2 Chronicles 10:11

Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua!’ ”

2 Chronicles 28:9

Aagai e dahi pelaabisi o Tagi Maolunga, dono ingoo go Oded, ia ne hano e hedae ange gi de hagabuulinga hebagi i de masavaa olaadeu ne aahe mai ai i Samaria. Gai ia ne hai ange gi gilaadeu, “Tilo, go hiidinga Tagi Maolunga, de Maadua o oodou dubuna ne lili i dangada o Judah, gai ia ne dugu adu goodou gi hagadee kii ina gilaadeu. Gai goodou ne daa gilaadeu ga maakau i doodou llili, gai de mee nei gu dae age gi de langi.

2 Chronicles 36:17

Tagi Maolunga ne hai hogi gi humai de hodooligi o de gau Babylon gi hai baasi ange gi gilaadeu, gai ia ne daa ga maakau alaadeu dama daane i de gadilaasa i lo te laadeu mommee dabu, ia tee lodo aloha ange donu gi dahi alaadeu dama daane, be se damaa hine, be se daane maadua, aabe se daane madumadua. Gai de Maadua ne dugu ange ia gi hagadee kii ina gilaadeu.

2 Chronicles 36:20

Gai ia ne noonooa ga kave dangada e doe gi Babylon, go gilaadeu ne ola mai i de gadilaasa, gai gilaadeu gu hai ai olaadeu dangada hai hegau ma ana dama daane, ga dae ai gi de masavaa o de nohoanga hodooligi o Persia.

Ezra 5:12

Aagai go hiidinga omaadeu dubuna madagidagi ne hai ga lili de Maadua o de langi, gai ia ga hai Nebuchadnezzar, de hodooligi o Babylon, gi hagadee kii ina gilaadeu, ma de oha de hale daumaha nei, ga kave dangada gi Babylon.

Psalm 69:26

Go hiidinga gilaadeu ne vaivai hai tangada aau gu haele, ma de hagammae tangada aau gu hagalagohia.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 13:16

Alaadeu gaagaa e dagadagahia naa ga maakau i olaadeu mada i mua; gai goloa i lodo olaadeu hale e gaavee naa, gai alaadeu haahine dau bodu e haia naa gi de mahi.

Isaiah 14:17

Gai e dee deenei taane ne haia laa henua i lalo ga se vao, ma de oha denga aduhale nnui, gai tee dugu de gau dee kii gi aahe gi olaadeu henua?’

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Isaiah 43:28

Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.

Jeremiah 50:42

Gilaadeu e hagauda alaadeu mee hholu ma olaadeu dao; gilaadeu e alasala ma tee llodo aaloha. Delaadeu loomai e bei de haganngolo o de moana i de masavaa olaadeu e saavini mai ai i honga hoosa; gilaadeu e loomai bei denga daane hebagi e hagatau laa i olaadeu hagabuulinga e hebagi adu gi de goe, tamaa hine o Babylon.

Lamentations 1:14

Ogu haisala gu nnoa ange au gi de laagau hagahai hegau, gai go luoono lima ne hagamakaga ina mee nei; mee nei ne daudau ange gi dogu ua; ia gu hai gi deai ogu mahi. De Ia Aamua gu dugu ange au gi dangada oogu e dee bau ange aagena.

Lamentations 1:21

Dangada gu langona dogu gonogono, aagai e deai donu se dangada e hagaaneane ina ogu lodo. Ogu hagadaumee alodahi gu langona dogu hai ngadaa; gilaadeu gu malangilangi i au mee gu hai mai gi de au. Haia gi moolau de dae mai de laangi aau gu lava laa i de hagailoo, gi bei ai gilaadeu ogu dagodo.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Lamentations 4:16

Tagi Maolunga ne hai gi mavaevae saele gilaadeu, ia gu dee anga ange donu gi gilaadeu; de gau haimeedabu gu dee hagadubulia, gai dangada gu dee abodonu ange gi denga dagi.

Lamentations 5:12

Denga dagi gu daudau age i olaadeu lima; denga daane maatua gu dee hagadubulia.

Ezekiel 24:21

‘Hai ange gi de gau Israel: E hagadaba de Ia Aamua go Iahweh: Tilo, au e hai naa gi hakino gee dogu mommee dabu, go de hale buibui makaga oodou e tuhi naa, ma de llodo ai mmao, aama de malangilangi ai, gai oodou dama daane ma damaa hine e doe e daia naa ga maakau i de gadilaasa.

Ezekiel 28:16

Doo hano saele ga hagao mee lagolago gu hai goe ma gu se dangada e vaivai haia dangada, gai koe gu haisala. Gai au ne alualu goe mai i de mounga o de Maadua ma de hagangadi mee goe. De cherub e hagaloosia laa, au ne hai goe gi hano gee goe, mai i magavaa o denga hadu o de ahi.

Obadiah 1:10

Go hiidinga dau vaivai hai doo daina go Jacob, koe e dogaa naa donu, koe e oha ga maoha ga hano ai.

Obadiah 1:16

Goodou ne unu de ubu i honga dogu mounga dabu, gai denga huaahenua alodahi e unu ai naa hogi ga hano ai; gilaadeu e duudagi naa donu huu de unu ai, gai e hai naa ga dagodo be gilaadeu tee haanau donu.

Zechariah 1:12

Gai tangada de langi o Tagi Maolunga ga hagadaba, “Tagi o denga hagabuulinga hebagi, dee hee maa taulooloa doo dee degi ange gi Jerusalem ma denga aduhale o Judah, ma de golo age doo lili i ngadau e madahidu nei?”

Zechariah 1:15

Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

Matthew 7:2

Go hiidinga goodou e hagamodu naa hogi oodou muna, bei doodou hai ne hagamodu ai muna o de gau ange laa, gai de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.

Deuteronomy 28:50

e huaahenua e mada hagamaolunga, gai gilaadeu e dee hagadubu donu de gau maatua aabe e abodonu ange gi denga gauligi.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.