Isaiah 45:1 - De Beebaa Dabu

¹ “Tagi Maolunga e hai ange gi de ia aana gu hagadabu i de lolo, go Cyrus, go de ia aagu e poo dono lima madau e hagadee kii ai denga huaahenua i ono mada i mua, ma de hai ia gi gaavee goloa hebagi o denga hodooligi; ma de hhuge denga haitoga i ono mada i mua, gai denga haitoga o de aduhale e dee pono naa donu:

Isaiah 45:1 Iomraidhean Croise

1 Kings 19:15

Gai Tagi Maolunga ga hai ange gi de ia, “Ahe hannoo gi de vao o Damascus; gai de masavaa naa huu oou e dae ai gi kilaa, gai koe ga hagadabu Hazael i de lolo gi hodooligi i Syria.

Ezra 1:1

Gai tahi ngadau huu o Cyrus ne hodooligi ai i Persia, gai Tagi Maolunga ne hagassula ana muna gu tala i daho Jeremiah. Ia ne hagangalue lodo o Cyrus de hodooligi o Persia, gai ia ga hagailoo i mommee alodahi i dono nohoanga hodooligi ma de sisi muna nei ga daohi:

Ezra 1:2

“E hagadaba Cyrus, de hodooligi o Persia: Tagi Maolunga, de Maadua o de langi, gu gaamai gi de au denga nohoanga hodooligi o henua i lalo alodahi, gai ia gu tala mai au gi hagaduulia age dono hale i Jerusalem i Judah.

De Beebaa go Job 12:21

Ia e hai gi hagangadi mee ina dagi o de henua, ma de aau gee goloa hebagi o denga daane mmahi.

Psalm 73:23

Aagai au e noho i oo daha ga hano ai; koe gi boogia dogu lima madau.

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Isaiah 13:3

Au gu tala ange gi ogu dangada dabu; au gu hagahi ogu daane hebagi gilaadeu gi hagasula ina dogu bole — go gilaadeu e malangilangi i dogu kii.

Isaiah 41:13

Go hiidinga go au donu go Iahweh, doo Maadua, au e poo naa doo lima madau, ma de ga hai adu gi de goe, “Aude madagu, go au donu e balea adu goe.”

Isaiah 41:2

Goai ne hai gi humai dahi i dua, ma de hagahi ia gi haia ana hegau i dono heohi? Ia ne gaavange denga huaahenua gi de ia, ma de hagadee kii denga hodooligi i ono mada i mua. Ia e hai gilaadeu gi bei de mama o de gelegele i dana gadilaasa, gai dana mee hholu e hai gilaadeu bei de mama a de madangi e ili laa ga kave.

Isaiah 41:25

Au gu hagangalue naa lodo o dahi mai i ngaiho, gi humai; gai ia e humai i de mommee e sobo age ai de laa, ga hagahi i dogu ingoo. Ia e dagadagahi naa denga hodooligi bei dagodo o denga bela, ma tangada hai gumedi hadu e dagadagahia laa denga gelegele pigi.

Isaiah 42:6

“Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Isaiah 44:28

Go au ne hagadaba i dagodo o Cyrus, ‘Go ia dagu dangada hagaloosi, gai ia e hagassula naa mee alodahi oogu e lodo ai; ia e hagadaba naa i Jerusalem, “Hagaduulia age ange,” ma de hagadaba i de temple, “Hagadaakodo ina ono dagelo.” ’

Isaiah 45:5

Go au donu go Iahweh, e deai ange donu, gai e deai ange donu se Maadua e bei ogu dagodo; au e hagammahi naa goe, e dee galemu donu koe tee iloo au;

Isaiah 48:15

Go au, go au donu ne daalaa mee nei; go au ne hagahia Cyrus. Au e hai naa ia gi humai, gai ia ga hagassula de hegau gu gaavange ia gi haia.

Jeremiah 27:6

Gai au gu gaavange denga henua nei alodahi gi dogu dangada hai hegau go Nebuchadnezzar, go de hodooligi o Babylon gi hodooligi ai; gai au gu hai hogi denga manu dolodolo gi hai hegau ange gi de ia.

Jeremiah 43:10

Gai koe ga hai ange gi gilaadeu: ‘E hagadaba Tagi o denga hagabuulinga hebagi, de Maadua o Israel: Tilo, au e aalu naa gi humai dogu dangada hai hegau go Nebuchadnezzar, de hodooligi o Babylon, gai au e hai naa ia gi hagaduulia dono nohoanga i honga denga hadu aagu gu velo nei gi lilo ange gi kinei; ia e hagaduu naa dono hale malo i honga mee nei.

Jeremiah 50:3

Go hiidinga dahi huaahenua gu humai i ngaiho e hebagi ange gi de ia, ma de hai dono henua gi ngadi dagodo, gu deai dangada e nnoho ai; dangada ma manu alodahi e saavini naa ga hulo gee mai i kilaa.

Jeremiah 50:35

Dahi gadilaasa e hai baasi ange naa gi de gau Babylon! go Tagi Maolunga e hagadaba, gai e hebagi ange gi dangada e nnoho i Babylon, ma ono dagi aama ono daane heiangi!

Jeremiah 51:11

Hakaa ina denga dao! Gai hagauda ina denga mee hungihungi! Tagi Maolunga gu hagangaalue lodo o denga hodooligi o de gau Media, go hiidinga ia gu baba ange e oha Babylon. Tagi Maolunga e sui ange naa ana mee ne hai ange gi dono temple.

Jeremiah 51:30

Denga daane dau i de hebagi o Babylon gu haganoho de hebagi, gilaadeu gu mmuni i lodo olaadeu hale buibui makaga, gai gu deai olaadeu mahi, gilaadeu gu bei dagodo o denga haahine. Denga hale i de aduhale gu dudu i de ahi, gai ono baalanga hagamakaga gu hadihadi.

Jeremiah 51:58

E hagadaba Tagi o denga hagabuulinga hebagi: “De buibui lahalaha o Babylon e oha iho naa ga dagodo i honga de gelegele, gai ono haitoga maolunga e dudu naa i de ahi; hegau kona a dangada e deai naa donu ono haigamaiana, denga huaahenua ne hagadaalea ange donu huu gi mee e dudu i de ahi.”

Ezekiel 29:20

Au gu gaavange de henua go Egypt e hagao ange ai ana hegau, go hiidinga gilaadeu ma ono daane hebagi ne hai dagu hegau, go de Ia Aamua go Iahweh e hagadaba.

Daniel 5:6

Gai luoono mada gu mada tea, gai ia gu madagu mmao; luoono vae gu pole, ia gu dee maua i de duu age.

Daniel 7:5

Au ne gidee ange hogi dahi manu bei dagodo o de bea. Gai de manu laa ne hagahidi age i dono baasi, gai e kadi e dolu ivi gaogao i lo tono ngudu. Gai dahi leo ne basa ange ga hai ange, ‘Hidi age gaimee gi bosu goe i kano manu nei.’

Daniel 8:3

Gai au ne galo age ga gidee dahi ssiibi daane, iai e lua hanga lloa, e duu i gaogao ssaalingaa vai laa. Dahi hanga e looloa ange i de hanga ange laa, aagai ne somo age i muli.

Daniel 8:4

Gai au ne gidee ssiibi laa e usu denga mee gi dai ma ngaiho aama ngaage i luoono hanga. Gai e deai donu se manu dolodolo daudahi e bau ange gi de ia, e deai hogi se dangada e maua i de hagaola dahi mai i de ia, i hiidinga dono mahi. Gai ia e hai donu huu ono mee e lodo ai, ma de hai gi hagadaga ange dono maolunga.

Nahum 2:6

Denga haitoga o ssaalingaa vai gu maahuge gai denga hale danuaa gu maoha.

Nahum 3:13

Galo ange diiloo doo hagabuulinga hebagi — gilaadeu alodahi ni haahine! Denga haitoga o doo henua gu maahuge ange gi oo hagadaumee; gai de ahi gu dudu oo laagau hagamakaga.