Isaiah 44:9 - De Beebaa Dabu

⁹ Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 44:9 Iomraidhean Croise

2 Kings 19:18

gai ne tili ange olaadeu diinonga gi lo te ahi ma gu dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu ne maua donu i de oha gilaadeu.

Psalm 115:4

Aagai olaadeu diinonga ni mee e hai i selevaa ma goolo, gai ne hai i lima o dangada.

Psalm 115:8

Dangada e haia denga diinonga e bei donu olaadeu dagodo, gai e bei ai hogi gilaadeu e hagadonusia mee nei.

Psalm 135:18

Dangada ne haia denga diinonga, e bei naa donu olaadeu dagodo, gai e bei ai hogi gilaadeu e hagadonusia mee nei.

Psalm 97:7

Dangada alodahi e daumaha ange gi denga diinonga e dookaa naa, ma gilaadeu e duuhia denga diinonga; denga diinonga alodahi, daumaha ange gi de ia!

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 41:24

Tilo, goodou denga diinonga ni ngadi mee donu oodou hegau e deai donu haigamaiana; gai tangada e hilihilia de daumaha adu gi goodou e hakino gee.

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Isaiah 42:17

Dangada e hagadonusia denga diinonga ma de hai ange gi denga diinonga laagau ma diinonga baalanga, “Go goodou omaadeu maadua,” e aahe dua naa ma de dookaa.

Isaiah 42:18

“Goodou de gau longoduli, nnoho mai hagalaangona; goodou de gau dee kide, kalo ange diiloo!

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Isaiah 44:11

Tilo, ono soa alodahi e dookaa naa, gai denga labagau alodahi ni dangada donu huu. Gilaadeu alodahi gi hagabuni, gilaadeu gi tuu age; gai gilaadeu alodahi e maatagu naa ma de dookaa.

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Isaiah 45:16

Alodahi e haia denga diinonga e dookaa naa, ma de hagangadi mee ina; gilaadeu alodahi e ssenga ange naa.

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 57:12

Au e tala naa dagodo o oodou heohi ma oodou hegau, gai mee nei e deai naa donu haigamaiana adu gi goodou.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

Jeremiah 2:11

Gu dahi laa huaahenua ne suuia olaadeu diinonga? (Olaadeu diinonga e dee ni diinonga abodonu.) Aagai ogu dangada gu hagahesuihagi de mahamaha o delaadeu Maadua i denga diinonga e deai olaadeu haigamaiana.

Jeremiah 2:26

De gau Israel e dookaa naa donu, bei tangada gaiaa e dogaa laa i dono boogia mai — go gilaadeu ma olaadeu hodooligi, ma olaadeu dagi, ma olaadeu dangada haimeedabu aama olaadeu pelaabisi.

Daniel 11:38

Ia e dee hagadubu naa donu mee nei, gai e hagadubu dahi diinonga o denga mommee buibui makaga; ia e hagadubu naa dahi maadua niio ono dubuna e dee iloo, ma de gaavange gi de ia goolo, ma selevaa, ma hadu hagamogomogo, aama goloa hagao ngadaa.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Romans 1:22

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga;

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Ephesians 4:18

Alaadeu maanadu e kona mmao de gohu, gilaadeu gu vvae gee i de mouli o de Maadua, i hiidinga delaadeu llodo ssenga ma de makaga olaadeu lodo;

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

Deuteronomy 27:15

“E malaia tangada e hai dahi diinonga i laagau aabe ni baalanga hagavaivai — de mee nei se mee niio Tagi Maolunga e kino ai, se mee ne hai i luu lima o de labagau — gai ne hagaduu i de mommee e dee gidee.” Gai dangada alodahi gi hai ange, “Amen!”

Deuteronomy 4:28

Gai goodou ga daumaha ange ai naa gi denga diinonga laagau ma hadu, go mee e hagatuu i lima o dangada, gai e dee maua gi gidee dahi mee, be go de hagallongo, be go de gaimee, aabe go de hagadungu dahi mee.

Judges 10:14

Goodou hulo dalodalo ange gi denga diinonga oodou gu hilihili naa; gai gilaadeu ga hagaola ai goodou mai i oodou duasala.”