Isaiah 44:7 - De Beebaa Dabu

⁷ Goai e bei ogu dagodo? Gai ia gi hagailoo ina. Ia gi daalaa ma de hagaagona mai gi de au be ni aha ne hai i mua dagu hai denga huaadangada madagidagi, gai aahee mee tigi loomai; gilaadeu gi daalaa mee e loomai.

Isaiah 44:7 Iomraidhean Croise

Isaiah 19:12

Gai i hee iai oo daane heiangi iainei? Gilaadeu gi hagaagona adu ma de hai gi iloo e goe mee a Tagi o denga hagabuulinga hebagi gu hagamodu e hai baasi ange ai gi Egypt.

Isaiah 41:22

Gaamai oodou diinonga gi daalaa mai mee gu dai hai. Daalaa mai gi gimaadeu dagodo o mee ne hai madagidagi, gai gimaadeu ga hagasaele olaadeu dagodo, gi iloo ai e gimaadeu mee e hai i de hagaodi, ma de tala mai gi gimaadeu dagodo o mee e loomai.

Isaiah 41:23

Daalaa mai gi gimaadeu mee e loomai i muli mai, gi iloo ai e gimaadeu bolo goodou ni maadua abodonu. Haia hanu hegau danuaa aabe ne hegau baubau, gi manavasaa ai gimaadeu ma de maatagu.

Isaiah 41:26

Goai ne daalaa mee nei i taamada age, gi iloo ai e gidaadeu, aabe ne daalaa mee nei i mua de hai, gai gidaadeu ga hagataba ai, “Ne heohi donu ana muna”? Teai donu se dangada ne daalaa de mee nei, teai hogi ne daalaa de mee nei i mua de hai, gai teai donu se dangada ne langona dau tala mee nei.

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

Isaiah 43:12

Au gu hagaago adu, ma de hagaola, aama de tala adu gi goodou — go au donu, e dee go dahi diinonga i oodou magavaa. Go koe dogu dangada hagadonu, go Tagi Maolunga e hagadaba, gai go au donu de Maadua.

Isaiah 43:9

Denga huaahenua alodahi gu hagabuni mai gai dangada alodahi gu hagabuni. Gai goai i olaadeu magavaa e maua i de tala mee nei, ma de hagailoo mai gi gidaadeu mee gu hai i mua? Gilaadeu gi gaamai dangada e daalaa olaadeu heohi, gi langona ai e dangada gai gilaadeu ga hagataba, bolo gilaadeu e heohi!

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Deuteronomy 32:8

De masavaa a de Ia Maolunga Mmao laa ne bolo ai denga huaahenua, ma de vaevae ai dangada, gai ia ne hagatuu goinga o denga huaadangada gi heohi ange gi taelodo o dama a de Maadua.