Isaiah 44:11 - De Beebaa Dabu

¹¹ Tilo, ono soa alodahi e dookaa naa, gai denga labagau alodahi ni dangada donu huu. Gilaadeu alodahi gi hagabuni, gilaadeu gi tuu age; gai gilaadeu alodahi e maatagu naa ma de dookaa.

Isaiah 44:11 Iomraidhean Croise

1 Kings 18:40

Gai Elijah ga hai ange gi gilaadeu, “Goodou booboogia denga pelaabisi o Baal; goodou aude dugua donu dahi dangada daudahi gi ola.” Gai dangada ga booboo denga pelaabisi laa, gai Elijah ga kave gilaadeu gi de geelonga go Kishon ga daa ai gu maakau.

Psalm 97:7

Dangada alodahi e daumaha ange gi denga diinonga e dookaa naa, ma gilaadeu e duuhia denga diinonga; denga diinonga alodahi, daumaha ange gi de ia!

Isaiah 1:29

Goodou e dookaa naa i hiidinga o denga oak dabu oodou e malangilangi ai laa; goodou e dookaa naa i hiidinga o denga veelenga oodou gu hilihili.

Isaiah 42:17

Dangada e hagadonusia denga diinonga ma de hai ange gi denga diinonga laagau ma diinonga baalanga, “Go goodou omaadeu maadua,” e aahe dua naa ma de dookaa.

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 45:16

Alodahi e haia denga diinonga e dookaa naa, ma de hagangadi mee ina; gilaadeu alodahi e ssenga ange naa.

Isaiah 65:13

Deenei ai, e hagadaba de Ia Aamua go Iahweh, “Tilo, ogu dangada hai hegau e gaimee naa ga boobosu, aagai goodou e hiikai; ogu dangada hai hegau e unu naa ga boobosu, aagai goodou e hieunu, ogu dangada hai hegau e malangilangi naa, aagai goodou e hagadookaa ina naa.

Jeremiah 10:14

Dangada alodahi e ssenga ma tee iloo mee, de labagau o denga goolo gu hagadogaa ina i ono diinonga. Ono diinonga e dee ni mee abodonu; gilaadeu e dee maua i de manavanava.

Jeremiah 51:17

Dangada alodahi e ssenga ma teai selaadeu iloo mee, de labagau o denga goolo e hagadogaa ina naa i ono diinonga. Ono diinonga e dee ni mee abodonu; gilaadeu e dee maua i de manamanava.

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Deuteronomy 4:28

Gai goodou ga daumaha ange ai naa gi denga diinonga laagau ma hadu, go mee e hagatuu i lima o dangada, gai e dee maua gi gidee dahi mee, be go de hagallongo, be go de gaimee, aabe go de hagadungu dahi mee.