Isaiah 43:4 - De Beebaa Dabu

⁴ Go hiidinga au e hagamogomogo goe, ma de hagadubu goe, gai go hiidinga au e aloha i de goe, au e gaavange dangada e sui ai goe, ma denga huaadangada e hagaola ai doo mouli.

Isaiah 43:4 Iomraidhean Croise

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Isaiah 49:5

Gai iainei, e hagadaba Tagi Maolunga — go de ia ne haia ga dahi au i de mommee o denga dama e hai ai dono dangada hai hegau, e hagaahea mai ai Jacob gi de ia, ma de hagabuni mai de gau Israel gi ono daha, gai Tagi Maolunga gu hagadubu au i ono daha, gai dogu Maadua ogu mahi —

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.

Hosea 11:1

“De masavaa o Israel e gauligi ai, gai au ne aloha i de ia; au ne hagahi dagu dama ga hagasao mai ia i Egypt.

Malachi 1:2

E hagadaba Tagi Maolunga, “Au ne aloha i de goe.” Aagai goodou e ssili, “Dee hee doo hai e aloha ai i gimaadeu?” E hagadaba Tagi Maolunga, “E aha, e dee go Esau taina daane o Jacob? Gai au ne aloha i Jacob,

Malachi 3:17

“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia.

John 16:27

e deai, Tamana e aloha donu i goodou, i hiidinga goodou ne aaloha i de au, ma de hagadonusia bolo au ne humai donu i daho de Maadua.

John 17:23

au i olaadeu lodo gai koe i ogu daha, gai gi buni ai gilaadeu gi dahi, gi iloo ai e henua i lalo bolo go koe ne haia nei au gi humai, gai koe gu aloha i gilaadeu bei doo aloha i de au.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

John 5:44

Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

Deuteronomy 14:2

Go hiidinga goodou gu hagadabu ange gi Tagi Maolunga doodou Maadua. Gai Tagi Maolunga gu hili goodou mai i denga huaadangada alodahi o henua i lalo, e hai ai dono huaadangada hagamogomogo.

Deuteronomy 26:18

Gai Tagi Maolunga gu tala hogi anailaa nei bolo goodou se huaadangada hagamogomogo niiona, bei dana hai gu hagatoo donu adu ai gi goodou. Gai goodou gi daohia ana muna alodahi,

Deuteronomy 4:37

Gai go hiidinga ia e aloha i oodou dubuna madagidagi, deelaa ai, ia ne hili olaadeu aamuli ne haanau i olaadeu dua, gai ia ne hagassao ina mai goodou i Egypt i dono sauaa mmahi,

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.