Isaiah 34:7 - De Beebaa Dabu

⁷ Denga kaau aada e maakau naa madali gilaadeu, denga kaau gauligi madali denga kaau mmahi; delaadeu henua gu honu i todo, gai de gelegele gu hilo ma kiliisi.

Isaiah 34:7 Iomraidhean Croise

Psalm 22:21

Hagaola ina mai au i de ngudu o de laiono, gai hagamouli ina mai au i hanga o de kaau aada.

Psalm 68:30

Hagaseegina denga manu i magavaa o denga aalege, ma denga manu mmahi i magavaa o denga kaau gauligi a denga huaahenua. Dagadagahia gi lalo gilaadeu e nnoo ange gi denga selevaa. Haia gi mavaevae saele dangada e malangilangi i de hebagi.

Psalm 92:10

Gai koe gu hai au gi mmahi bei de manu aada; koe gu hagasulu au i de lolo hoou.

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Jeremiah 25:34

De gau hagaloosi, goodou tangi ma de tangi ssee; dagi o de hagabuulingaa ssiibi, goodou tige saele i lodo gelegele; go hiidinga gu tae mai laangi oodou e maakau ai ma de mavaevae saele ai, goodou e bei naa de ssaa hadu hagamogomogo, e too iho laa ga mahaahaa.

Jeremiah 46:21

Gai denga daane hebagi aana ne hagao i ono daha e bei dagodo o denga kaau gu haangai laa gi pedi. Gilaadeu alodahi gu saavini hogi ga hulo gee, gilaadeu e dee maua i de tuu e hebagi; go hiidinga de laangi hai ngadaa gu dae mai gi gilaadeu, go de masavaa olaadeu e hagaduasala ai.

Jeremiah 50:11

Goodou e haia gi de mahi mee o dogu boolonga, go hiidinga goodou ne malangilangi, go hiidinga goodou ne llodo danuaa, goodou e bei de kaau e lele duuduudia laa denga grain, ma de goo bei denga hoosa mmahi,

Jeremiah 50:27

Daia gi maakau ana kaau alodahi; haia gilaadeu gi loiho gi de mommee e daa ai manu. E vakaa naa gilaadeu! Go hiidinga gu dae mai delaadeu masavaa, go de laangi olaadeu e hagaduasala ai.

Ezekiel 32:6

Au e hagasii saele naa oo dodo i honga de henua ga dae ai gi honga denga mounga, gai denga saalingaa vai e hoohonu naa i oo dodo.

Ezekiel 39:17

Gai koe, tama a tangada, e hagadaba de Ia Aamua go Iahweh: Hagahia denga hagadaagangaa manu llele ma manu lodo henua alodahi, hai ange, ‘Goodou hagabuni mai i mommee alodahi gi taonga o ssigidaumaha aagu gu dai hagadabena adu gi goodou, go ssigidaumaha laumalie i honga denga mounga o Israel. Gai goodou ga gai ai denga kano ma de unu denga dodo.

Ezekiel 39:18

Goodou e gai naa kano o denga daane dau o de hebagi, ma de unu dodo o denga dagi o henua i lalo — e dagodo be go dodo o denga ssiibi daane, ma ssiibi gauligi, ma guudi, aama denga kaau daane, gilaadeu alodahi ni manu gu haangai ma gu pedi mai i Bashan.

Numbers 23:22

De Maadua ne hagassao mai gilaadeu i Egypt; gai ono mahi e bei mahi o de kaau daane aada.

Numbers 24:8

De Maadua ne hagassao mai ia i Egypt, gai luoono hanga e mmahi bei de kaau daane aada; ia e oha naa denga huaahenua e kino i de ia, ga hadihadi gi too dagidahi olaadeu ivi, ma de tili gilaadeu i dana mee hholu.

Deuteronomy 33:17

Dono mahamaha e bei dagodo o de kaau mmahi, gai luoono hanga e mmahi bei hanga o de kaau aada. Ia e hagalagolagohia denga huaadangada i luoono hanga, ga usu gilaadeu alodahi gi de bido laa o henua i lalo. Aanei dagodo o tahisemada dangada o Ephraim; aanei hogi dagodo o tahisemada dangada o Manasseh.”