Isaiah 34:2 - De Beebaa Dabu

² Tagi Maolunga gu lili i denga huaahenua alodahi, ma de bole mmao i olaadeu hagabuulinga hebagi. Ia e hai naa gi daia gilaadeu gi odi i de maakau; ia e hai naa gi daia gilaadeu gi maakau.

Isaiah 34:2 Iomraidhean Croise

Psalm 2:5

Gai ia e hagasee naa gilaadeu i dono lili, ma de hagamaatagu gilaadeu i dono bole, ga hai ange,

Exodus 8:14

Gai dangada ga hagabudubudu denga kailu ga dugu ai, gai de henua alodahi gu kona donu de pilo.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 13:6

Goodou tangi see, go hiidinga de laangi o Tagi Maolunga gu baa mai donu; gai e dae mai naa bei de hai a de Ia Mmahi Mmao laa e oha ai laa!

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Isaiah 30:25

De laangi naa huu o de hebagi e daia ai laa dangada soa, ma de maoha ai de hale dagitilo maolunga, gai honga denga mounga ma duuduu maolunga iai naa denga mommee e ssali ai vai.

Isaiah 61:2

ma de tala dagodo o de ngadau o de abodonu o Tagi Maolunga, ma de laangi a taadeu Maadua e sui ange ai de baubau; ma de hagaaneane ai lodo o dangada alodahi e hinangalosaa,

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Isaiah 65:12

au e hagadabena adu naa gi goodou de gadilaasa, gai goodou alodahi e ino ange naa gi de ia e daia gi maakau; go hiidinga au ne hagaagahi, aagai goodou tee pasa mai, au ne basa adu, aagai goodou tee hagallongo. Goodou ne hai de baubau i mada luoogu mada, ma de hilihili mee oogu e dee malangilangi ai.”

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Isaiah 66:16

Gai Tagi Maolunga e hagaduasala naa dangada alodahi i de ahi ma dana gadilaasa, gai e soa naa dangada a Tagi Maolunga e daa ga maakau.

Jeremiah 25:31

De leo o de hellumi gu dae loo gi de bido laa o henua i lalo, go hiidinga Tagi Maolunga gu hagabaubau denga huaahenua. Ia e hagamodu naa muna o dangada alodahi; ma de daa gi maakau de gau baubau i de gadilaasa,’ ” go Tagi Maolunga e hagadaba.

Jeremiah 25:32

E hagadaba Tagi o denga hagabuulinga hebagi: “Tilo, dahi hai ngadaa e duu ange naa gi denga huaahenua alodahi; dahi madangi mmahi e ssau mai naa i luu bido o henua i lalo.”

Jeremiah 25:33

Gai dangada a Tagi Maolunga e daa ga maakau i de laangi laa e gidee mai loo i dahi bido o henua i lalo ga dae ai gi de bido laa. Gai e deai naa donu dangada e tangi i gilaadeu aabe e hagabudulia gilaadeu ga danumia. Gai gilaadeu e bei naa denga duudae e daakodo saele laa i honga de gelegele.

Ezekiel 36:5

deenei ai, e hagadaba de Ia Aamua go Iahweh: Au e basa i dogu maagoda e hai baasi ange gi denga huaahenua, ma Edom alodahi, go hiidinga gilaadeu ne malangilangi ma de hagangadi mee dogu henua ga kave ga henua ai aama de gaiaa ono mommee iai helii.

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Zechariah 14:3

Gai Tagi Maolunga e hano naa ga hebagi ange gi denga huaahenua, bei de hai de hebagi i de laangi o taua.

Romans 1:18

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

Joshua 11:20

Go hiidinga Tagi Maolunga ne hagamakaga olaadeu lodo gi loomai ai gilaadeu gi hebagi ange gi de gau Israel, gi daia ai gilaadeu gi odi i de maakau, ma tee degi ange gi gilaadeu, bei de hai a Tagi Maolunga gu tala ange ai laa gi Moses.

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 20:9

Gai gilaadeu ne loomai i henua i lalo alodahi, ga duuli de mommee nnoho gaainga o dangada o de Maadua, go de aduhale oona e aloha ai laa. Aagai de ahi ne hano iho i de langi ga dudu gilaadeu gu maakau.