Isaiah 32:9 - De Beebaa Dabu

⁹ Goodou denga haahine e duadonu laa, hiihidi age hagalaangona agu muna; goodou denga haahine e nnoho paba laa, nnoho mai hagalaangona agu muna!

Isaiah 32:9 Iomraidhean Croise

Psalm 123:4

Gu daulooloa mmao demaadeu hagadookaa ina i daho de gau hagamaolunga, ma de hagangadi mee ina i daho de gau lodo maolunga.

Isaiah 28:23

Huuhuli mai hagalaangona agu muna, gai goodou aanga mai hagalaangona agu muna e tala adu.

Isaiah 3:16

E hagadaba Tagi Maolunga, “Denga damaa hine o Zion e hagamaolunga, gilaadeu e seesee hagassoenga saele, ma de galogalo hai kai saele; gilaadeu e lagalaga maalie i delaadeu seesee, gai mee dau i olaadeu gubu vae e dadangi.

Jeremiah 9:19

De leo o tangi see e langona mai i Zion: ‘Gidaadeu gu odi i de maoha! Gidaadeu gu kona mmao i de dookaa. Gidaadeu e hulo gee donu i taadeu henua i hiidinga odaadeu hale gu maoha.’ ”

Jeremiah 9:20

Denga haahine, goodou hagalaangona muna a Tagi Maolunga, huugea oodou dalinga hagalaangona ai ana muna. Agoagona ange oodou damaa hine i de hai e hai ai tangi see, gai goodou hagadau agoagona i de hai tau ange gi de magau.

Lamentations 4:5

Dangada nogo gaimee danuaa laa gu maakau ma e daakodo i honga haiava. Gilaadeu nogo kahu laa i malo mmea, gu tolo saele i honga hagabuudungaa lehu.

Zephaniah 2:15

Deenei de aduhale nogo duuhia laa ono dagodo, ma de noho baba i mua, ma de hagadaba i ono lodo, “Go au tahi, gai e deai ange donu e bei ogu dagodo.” Iainei de aduhale laa gu maoha ma e dagodo ai, gai gu se mommee e nnoho ai denga manu aada! Alodahi e seesee laa ono gaogao e doo mee naa ma de tugi ange olaadeu lima.

Matthew 13:9

Be goai e hanu ono dalinga, gai ia gi hagalaangona.”

Deuteronomy 28:56

Gai de hine daudonu ma de dahi ana maanadu ange gi dangada i oodou magavaa — ia e dee duu ange naa donu luoono vae gi honga de gelegele, i hiidinga dono daudonu ma de dahi ana maanadu ange gi dangada — e gailalopoli ange naa gi dono bodu, ma dana dama daane ma dana damaa hine, oona e aloha ai laa,

Judges 9:7

Gai ga langona huu e Jotham mee nei, gai ia ga hano ga duu i honga de mounga go Gerizim, gai ia ga oo ga hai ange gi gilaadeu, “Denga daane o Shechem, goodou hagalaangona agu muna, gai de Maadua ga hagallongo ai oodou muna.