Isaiah 32:6 - De Beebaa Dabu

⁶ Go hiidinga tangada lodo senga e basa senga, ono lodo e hagasaele de hai de baubau; ana hegau e dee bei lodo o de Maadua, ia e hagadele muna hhadu i dagodo o Tagi Maolunga; ia e dee haangai ange gilaadeu e hiikai, ma tee hagaunu ange gilaadeu e hieunu.

Isaiah 32:6 Iomraidhean Croise

Psalm 141:4

Koe gi dee dugua mai au gi lodo e hai de mee dee heohi, ma de hai de baubau madali gilaadeu e haia de baubau; gai au gi dee gaina alaadeu gai mammami.

Proverbs 19:3

Tangada lodo senga e oha dono mouli, gai ono lodo e hagabaubau Tagi Maolunga.

Proverbs 24:7

De heiangi e hano laa honga de biho o tangada lodo senga; gai ia e dee maua i de hhanga dono ngudu i de haitoga o de aduhale.

Isaiah 10:2

ma de kave gee de heohi o de gau hagaau aloha, ma tee hagamodu muna o ogu dangada gu duasala laa i de heohi, ma de vaivai hai denga haahine gu maakau olaadeu bodu ma de gaiaa mee o denga gauligi gu deai olaadeu damana.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 26:10

Gai ga abodonu ange naa donu dangada gi de gau baubau, gai gilaadeu e dee maua donu i de ago de mee heohi; gai ga nnoho naa donu gilaadeu i de henua o olaadeu e heohi, gai gilaadeu e duudagi donu de hai hegau i de baubau, gilaadeu e dee anga ange donu gi de maolunga o Tagi Maolunga.

Isaiah 3:15

Gu aha goodou gu vaivai hai ai naa ogu dangada, ma de hagaduasala de gau hagaau aloha?” go de Ia Aamua, Tagi o denga hagabuulinga hebagi e hagadaba.

Isaiah 31:2

Gai Tagi Maolunga e kona mmao de heiangi, gai e maua i de hai gi humai de hai ngadaa; ia e dee hagaahe donu dana muna. Ia e hidi age naa ga hebagi ange gi de gau baubau, ma gilaadeu e balea ange dangada e haia de baubau.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Isaiah 59:7

Gilaadeu e moolau donu delaadeu hai de baubau, gai e moolau hogi delaadeu daa dangada ga magau. Gai maanadu i olaadeu lodo e baubau; gai mee gu maoha ma de oohaa e gidee i haiava olaadeu e seesee ai.

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

Jeremiah 13:23

E aha, e maua e tangada Ethiopia i de sui de leebunga o dono gili, be go de leopard i de sui denga mee daubulebule i dono gili? Gai e bei ai hogi, goodou e dee maua donu i de hai tanuaa go hiidinga goodou gu aabo i de hai de baubau.

Ezekiel 34:18

E aha, goodou tee boobosu laa donu i de gaimee i de mommee iai helii danuaa? Goodou ga vaivai dagadagahi ai naa hogi mommee iai helii e doe? E aha, goodou tee boobosu laa donu i de unu i vai masalaba? Gai goodou ga hagabuu ai naa de bela i lodo vai e doe i oodou vae?

Daniel 12:10

Gai e soa naa dangada e hagagilimalali ina naa gilaadeu, ma de hai gilaadeu gi tea ma de danuaa; aagai de gau baubau e duudagi naa donu de hai de baubau. Gai e deai naa donu se dangada baubau e maua gi donu ange, aagai gilaadeu e heiangi laa e tonu ange naa donu.

Amos 8:6

Gimaadeu e hagao naa de gau hagaau aloha i selevaa gai e hagao gilaadeu e duasala i e lua mee vae, aama de hagao hogi gi daha gili o denga grain.”

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

1 Samuel 24:13

Gai e bei de muna hagasengasenga madagidagi e hai ange laa, ‘Go daho de gau baubau e ssula age ai hegau baubau.’ Aagai au e dee hai baasi adu naa donu gi de goe.