Isaiah 32:2 - De Beebaa Dabu

² Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 32:2 Iomraidhean Croise

Psalm 143:9

Tagi Maolunga, hagaola ina mai au i ogu hagadaumee, go hiidinga au e mmuni i oo daha.

Psalm 32:7

Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

Psalm 63:1

De Maadua, go koe dogu Maadua, au e hagaduu ngae e ssala goe; dogu hagasaalunga e lodo mmao i de goe; dogu angaanga e buliaamou mmao i de goe, i de henua mmasa ma de hagadaalea, go de mommee e deai vai iai.

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 16:3

“Daalaa mai amaadeu mee e hai, hilihilia mai demaadeu mee e hai. Haia doo malu gi bei de boo, i de masavaa e mmahi ai de laa i lo te laangi. Hagamuunia gilaadeu e silivaahea saele, gai koe gi dee hagaahea gilaadeu.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 41:18

Au e hai naa gi hanu saalingaa vai e ssali iho laa i denga mommee maolunga, ma vai e ssali age i lalo de henua i lodo geelonga. Au e hai naa de vao gi se mommee iai denga vai, gai de mommee mmasa gi ssali age ai vai i lalo de henua.

Isaiah 43:19

Tilo, au e hai dahi mee hoou! Gai gu sula age donu; e aha, goodou tigi tonu ange laa aagena? Au e hai naa dahi haiava i de vao, ma denga saalingaa vai i de mommee e deai vai iai.

Isaiah 43:20

Denga manu lodo henua bei jackal ma ostrich e hagadubu au, go hiidinga au e hai gi hanu vai i de vao, ma saalingaa vai i de mommee e deai vai iai, e hagaunu ai ogu dangada, go gilaadeu aagu ne hili,

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 33:14

Tilo, e tae mai naa laangi, go Tagi Maolunga e hagadaba, aagu e hagassula ai dagu hagatoo donu danuaa ange gi dangada o Israel ma dangada o Judah.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,