Isaiah 32:16 - De Beebaa Dabu

¹⁶ Gai de hagamodu muna heohi e dagodo i de vao, gai de heohi e gidee naa i de mommee iai de gelegele danuaa.

Isaiah 32:16 Iomraidhean Croise

Isaiah 11:9

Gai e deai naa donu se hagammae aabe go de oha i honga dogu mounga dabu alodahi, go hiidinga henua i lalo e honu naa i de iloo mee o Tagi Maolunga, bei de honu o tai i denga lausedi.

Isaiah 28:6

Ia e gaavange naa gi de ia hagamodu muna de hagasaalunga o de hagamodu heohi, ma de hagammahi gilaadeu e aahe mai i de hebagi gi de haitoga o de aduhale.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Isaiah 42:11

Lodo henua ma ono aduhale gi daahili, gai denga aduhale vaaligiligi o de gau Kedar e nnoho ai gi malangilangi. Dangada o Sela gi daahili i delaadeu lodo danuaa, gilaadeu gi hevaalogi i ulu denga mounga.

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.

Isaiah 48:18

Mee naa koe ne anga ange ga hagallongo agu muna, gai doo noho baba e bei dagodo o ssaalingaa vai, gai doo heohi ne bei dagodo o denga beau o de moana.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Jeremiah 31:23

Gai e hagadaba Tagi o denga hagabuulinga hebagi, de Maadua o Israel: “De masavaa naa huu aagu e hagaahe ange ai delaadeu manuuia, gai dangada i de henua o Judah ma ono aduhale e aahe ange naa ga tala muna nei: ‘De mommee nei, Tagi Maolunga e hagamanuuia goe, de mommee nnoho iai de heohi, ma tuuduu dabu!’

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.