Isaiah 30:12 - De Beebaa Dabu

¹² Deenei ai, e hagadaba de Ia Dabu o Israel, “Go hiidinga goodou ne kino i muna nei, gai ne hagadonusia hagatau a dangada e vaivai haia ma de daahanga ina goodou,

Isaiah 30:12 Iomraidhean Croise

Psalm 52:7

“Goodou diiloo dagodo o tangada e dee haia de Maadua go dono mommee buibui makaga, aagai dana tali hagalodolodo go ono goloa lagolago, gai ia e hagadaga ange de mmahi i ana hegau baubau.”

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Proverbs 24:2

go hiidinga gilaadeu e hagatau de hai e vaivai hai ai dangada, ma de pasa i delaadeu hai e hagahai ngadaa ai dangada.

Isaiah 26:21

Tilo, Tagi Maolunga gu dai sao mai naa i dono mommee e hagaduasala dangada o henua i lalo i hiidinga olaadeu baubau; gai gilaadeu gu daia laa ma gu maakau e gidee mai naa i henua i lalo; henua i lalo gu dee maua i de hagammuni ana dangada ne daa ga maakau.

Isaiah 28:15

Goodou e hagataba, “Gimaadeu gu hai dahi hagatoo donu hagaheloongoi madali de magau, gimaadeu gu hagaheloongoi ange gi de mommee o de gau maakau. Gai de masavaa naa huu e dae mai ai de hagaduasala laumalie, gai e dee maua gi duu mai gi gimaadeu, go hiidinga demaadeu buibui go de muna hhadu, gai demaadeu mommee mmuni go muna hagasenga.”

Isaiah 3:14

Tagi Maolunga e hagamodu naa muna o denga daane maatua ma dagi o ono dangada: “Go goodou ne oohaa dagu veelengaa grape, ma de gaiaa goloa o de gau hagaau aloha i lodo oodou hale.

Isaiah 3:15

Gu aha goodou gu vaivai hai ai naa ogu dangada, ma de hagaduasala de gau hagaau aloha?” go de Ia Aamua, Tagi o denga hagabuulinga hebagi e hagadaba.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Isaiah 30:7

go Egypt e deai laa ono haigamaiana, gai e deai mee iai. Deelaa ai, au e hagaingoo ange ia go “Rahab, de ia ngadi noho.”

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Isaiah 7:9

Gai de biho o Ephraim go Samaria, gai de biho o Samaria go tama daane a Remaliah. Noo goodou e dee hagadonusia muna nei, gai goodou e dee maua naa donu gi duu gi makaga.’ ”

Isaiah 8:6

“Go hiidinga de gau nei gu tili denga vai o Shiloah e sali maalie laa, gai ne malangilangi i Rezin ma tama daane a Remaliah,

Jeremiah 13:25

Deenei doodou duuhanga, go tuuhanga aagu gu hagamodu adu gi de goe, go Tagi Maolunga e hagadaba, go hiidinga koe gu ngalo au gai koe gu tali hagalodolodo ange gi denga ngadi diinonga.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.