Isaiah 3:7 - De Beebaa Dabu

⁷ Aagai ia e oo naa i de laangi laa, ga hai ange, “Au e dee maua i de hagadanuaa mee nei. E deai donu gai be ni malo i dogu hale; goodou e dee hai au go doodou dagi.”

Isaiah 3:7 Iomraidhean Croise

Genesis 14:22

Aagai Abram ga hai ange gi de hodooligi o Sodom, “Au gu hagatoo donu ange gi Tagi Maolunga, go de Maadua Maolunga Mmao laa, go de ia ne haia de langi ma henua i lalo,

Isaiah 58:12

Gai oo dangada e hagatuu age ange naa mommee gu maoha laa ma de hagaahe age tagelo madagidagi, gai koe e hagaingoo ange naa go de ia e hagaahea age de buibui gu maoha laa, ma de ia e hagaahea age denga haiava i de mommee nnoho.

Jeremiah 14:19

E aha, koe gu tili naa donu Judah? Koe gu kino naa donu i Zion? Gu aha goe gu hagailiili ai naa gimaadeu gai omaadeu maanuga gu dee maua gi mmahu? Gimaadeu e ssala de nnoho paba, aagai teai donu se danuaa amaadeu e gidee. Gimaadeu e tali dahi masavaa o de hagaieiangi, aagai go de mee hagamaatagu donu huu ne humai.

Lamentations 2:13

Tamaa hine o Jerusalem, dee hee dagu hai e tala ai oo dagodo? Gai se aha aagu e hagadagodo ange goe aagena? Tamaa hine o Zion, se aha aagu e hagadulagi ange goe aagena, gai au ga hagaaneane ai goe? Doo maanuga gu gelo bei dagodo o tai; gai goai naa e maua i de hagaieiangi goe?

Ezekiel 34:4

Goodou e dee hagammahi de ia gu baageaa, gai e dee hagaieiangi de ia gu mmagi, aabe saabini maanuga o de ia gu lagohia. Goodou tee hagaahe mai ssiibi gu ssenga saele laa, aabe ne ssala de ia gu dee maaleva laa. Goodou ne hagaduasala gilaadeu ma de vaivai hai gilaadeu i doodou dagi gilaadeu.

Hosea 5:13

Gai de masavaa a Ephraim ne gidee ai dono magi, gai Judah ne gidee hogi dono maanuga, gai Ephraim ne hano gi Assyria e ssala ai dahi bale, ia ne hai hanu gi hulo gi de hodooligi maolunga laa. Aagai ia tee maua i de hagaieiangi ia, aabe go de hai gi mmahu ono maanuga.

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Joel 1:16

E aha, gidaadeu tee gidee laa teai gai, ma teai se malangilangi be se lodo danuaa i de hale o taadeu Maadua?

Deuteronomy 32:40

Au e haalo age dogu lima gi de langi e hagatoo donu: i taulooloa dogu mouli ga hano ai,