Isaiah 3:3 - De Beebaa Dabu

³ ma tagi o tinolima daane hebagi, ma taane maolunga, ma taane hagasaele ma tangada heiangi i de hai huuhuaa mee, aama tangada hai helau.

Isaiah 3:3 Iomraidhean Croise

De Beebaa go Job 22:8

Tangada mmahi niiona de alahenua, gai go de gau hagadubu e nnoho ai.

Exodus 18:21

Gai koe hilia hogi hanu daane maatua abodonu mai i magavaa o dangada — ni daane e maatagu i de Maadua, ma de hai hegau i de mee abodonu aama de kino i mee ngadi gaavange hagasenga — ga vaevae ange dangada gilaadeu gi dagina; hanu e dagimano, hanu e dagillau, hanu e dagimadalima, aagai hanu e dagimadaangahulu.

Exodus 4:10

Gai Moses ga hai ange gi Tagi Maolunga, “Dogu Ia Aamua, aude haihaia, au e dee maua i de basa i honga o dangada; mai i mua ga dae mai ai gi iainei i doo masavaa ne basa mai ai nei gi de au, doo dangada hai hegau. Au e dee maua i de basa ma de tala gi danuaa agu muna.”

Isaiah 3:2

taane mmahi ma taane abo i de hebagi, tangada hagamodu muna ma de pelaabisi, tangada e daalaa mee tigi loomai ma taane dagi,

Isaiah 3:4

Au e hai naa de gau mmodo gi dagina gilaadeu, gai olaadeu dagi go denga gauligi vaaligiligi.

Isaiah 5:13

Deelaa ai, ogu dangada e gaavee naa gi denga henua gee, go hiidinga teai selaadeu iloo mee; olaadeu daane maolunga e maakau naa i de hiikai, gai olaadeu hagabuulinga soa e maakau naa i de hieunu.

Isaiah 9:15

denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

Deuteronomy 1:15

Gai au ne hili hanu dagi mai i oodou aamuli, ni daane heiangi gai e maua i de dagi, ga hai gilaadeu gi dagina goodou — hanu ne dagi e dagimano, hanu e dagillau, hanu e dagidinolima, gai hanu e dagidinoangahulu, gai ni dagi i oodou aamuli.

Judges 8:18

Gai ia ga hai ange gi Zebah ma Zalmunna, “I hee iai denga daane oodou ne daa ga maakau i Tabor?” Gilaau ne hai ange, “Gilaadeu alodahi e bei donu goe; gilaadeu e bei dagodo o denga dama daane a dahi hodooligi.”

1 Samuel 8:12

Gai ia e hili ange naa hanu gilaadeu gi dagina ono daane hebagi, hanu go dagi o de mano, hanu go dagi o de madalima, gai hanu gi hagabalabala ina ana veelenga ma de hagihagi ana huamanu, gai hanu gi hagatuulia denga goloa hebagi ma goloa o ono hada hebagi.