Isaiah 3:10 - De Beebaa Dabu

¹⁰ Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Isaiah 3:10 Iomraidhean Croise

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Psalm 58:11

Dangada e hagataba naa, “Ni muna abodonu, e dahi donu hagaoanga olaadeu e heohi; gai e dahi donu Maadua e hagamodu ina muna o henua i lalo.”

Exodus 1:20

Deelaa ai, de Maadua ne hagamanuuia luu haahine hagahaanau laa, gai de gau Israel gu kii ange donu de soa aama de mmahi.

Proverbs 10:6

Denga manuuia e loomai gi tangada heohi, aagai de ngudu o tangada baubau e hagammuni dono alasala.

Proverbs 12:14

Muna a tangada e hagadanuaa naa ia i mee danuaa; hegau a tangada e hagadanuaa naa donu huu ia.

Proverbs 13:21

De hai ngadaa e daudali ange i de gau haisala, aagai de hagaoanga o olaadeu e heohi go tanuaa.

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Ecclesiastes 8:12

Gai e dee galemu donu tangada baubau e haia laa mee dee heohi i e lau hanonga gai e daulooloa donu dono mouli, gai au e iloo bolo gilaadeu e maatagu i de Maadua e danuaa ange olaadeu dagodo, gilaadeu e hagadubu de Maadua.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Jeremiah 15:11

E hagadaba Tagi Maolunga, “Ni muna abodonu, au e hagaola naa goe ange gi dahi hagatau danuaa; ni muna abodonu, au e hai naa oo hagadaumee gi dangidangi adu gi de goe i denga masavaa hagamanavasaa ma masavaa hai ngadaa.

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 22:15

E aha, koe ne hai ga se hodooligi, i de hagaduu doo hale i denga cedar? E aha, doo damana tee gaimee laa ma de unu ga bosu? Ia ne hai hegau i de hagamodu soe ma de heohi, deelaa ai, ia ne duadonu.

Jeremiah 7:23

aagai au ne tala ange gi gilaadeu muna nei: ‘Goodou hagallongo mai gi de au, gai au ga hai ai goodou go ogu dangada, gai au go doodou Maadua. Goodou daudali i mee alodahi aagu gu tala adu gi goodou, gi danuaa adu ai gi goodou.’

Ezekiel 18:20

Tangada e haia de baubau e magau donu. Tama e dee hagaduasala donu i baubau o tamana, aagai tamana e dee hagaduasala i baubau o tama. Gai de heohi o tangada e aahe ange naa donu huu gi de ia, gai baubau o tangada e aahe ange naa donu huu gi de ia.

Ezekiel 9:4

Gai Tagi Maolunga ne hai ange gi de ia, “Hannoo hagadaga i lo te aduhale o Jerusalem maaga ina ai honga lae o dangada alodahi e daemaha ma de gonogono i hiidinga denga mee hakino gee alodahi e hai i lo te aduhale.”

Micah 7:13

Henua i lalo e hai naa ga ngadi dagodo, i hiidinga o dangada e nnoho ai; mee nei ne hai i hiidinga o alaadeu hegau baubau.

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

Luke 19:19

Tangada aamua ne hai ange hogi gi de ia, ‘Au e hai goe gi dagina e lima aduhale.’

Deuteronomy 12:25

Gai goodou aude gaina donu mee nei, gi danuaa adu ai gi goodou ma oodou dama i muli mai, i doodou hai de mee heohi i mada luu mada o Tagi Maolunga.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.