Isaiah 28:1 - De Beebaa Dabu

¹ E vakaa naa de hau hagadubu a de gau ssenga o Ephraim e tuhi laa, go dono mahamaha gu dai lilo bei de huaala gu mmae laa, go de aduhale e duu laa i honga tuuduu o de geelonga iai gelegele danuaa, go de mommee a de gau ssenga i uvaini e tuhi laa.

Isaiah 28:1 Iomraidhean Croise

2 Kings 15:29

Gai de masavaa o Pekah e hodooligi ai i Israel, gai Tiglath-Pileser, de hodooligi o Assyria ne humai ga hagadee kii Ijon, ma Abel Beth Maacah, ma Janoah, ma Kedesh, ma Hazor, ma Gilead, ma Galilee, aama de vaaenga alodahi o Naphtali, ga noonooa dangada ga kave gi Assyria.

2 Chronicles 28:6

Gai Pekah tama daane a Remaliah ne daa e 120,000 daane hebagi o Judah ga maakau i e dahi donu huu laangi, gilaadeu ni daane mmahi i de hebagi, go hiidinga gilaadeu gu tili Tagi Maolunga, de Maadua o olaadeu dubuna madagidagi.

Proverbs 23:29

Goai e hai ngadaa? Goai e daemaha? Goai e hagadaumee? Goai e nanu? Goai gu lagohia gai teai hiidinga? Goai gu mmea lodo luoono ganomada?

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Isaiah 5:11

E vakaa naa dangada e oho age laa i taiao, e ssala hanu mee mmahi e unu, ma de aala ga nnoho gi lo te boo, ga dae ai gi delaadeu unu ga ssenga i uvaini!

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Isaiah 9:11

Aagai Tagi Maolunga ne hai hagadaumee o Rezin gi hebagi ange gi gilaadeu, ma de usuusu ange olaadeu hagadaumee.

Isaiah 9:8

De Ia Aamua gu tala dahi mee e hai baasi ange ai gi Jacob, gai e hai ange naa hogi gi Israel.

Isaiah 9:9

Dangada alodahi e iloo naa de mee nei, Ephraim ma gilaadeu e nnoho i Samaria; go dangada e hagataba i de hagamaolunga ma de lodo maolunga:

Hosea 4:11

gi de hai be se manu, ma denga uvaini duai ma uvaini hoou, e haia laa ga dee tonu ange

Hosea 5:5

De hagamaolunga o Israel gu hagabaubau donu huu gilaadeu; Dangada o Israel ma Ephraim gu baakuu i lodo olaau haisala; Judah gu baakuu hogi madali gilaadeu.

Hosea 5:9

Ephraim e hai naa ga se mommee ngadi dagodo i de laangi o de hagaduasala. Au e hagailoo naa mee gu hagamodu e hai ange gi denga aamuli o Israel.

Hosea 6:10

Au gu gidee dahi mee hakino gee i daho de gau Israel; Ephraim gu hai be se manu hogi; Israel gu dee gilimalali.

Hosea 7:5

De laangi o taonga a de hodooligi gu hagailonga, gai denga dagi e ssenga i de unu uvaini; gai de hodooligi gu unu hogi madali gilaadeu.

Leviticus 26:19

gai au e hai naa gi deai se mmahi oodou e hagamaolunga ai naa, gai au e hai naa lo te langi gi bei dagodo o de iron, gai de gelegele o doodou henua gu makaga bei de bronze.

Amos 2:12

Aagai goodou ne hai denga Nazirite gi unumia uvaini, ma de tala ange gi denga pelaabisi, ga hai ange, ‘Goodou aude pasa pelaabisi.’

Amos 2:8

Gilaadeu ne hhola alaadeu malo ne kave e hagadonu ai de hagao muli a dangada, ga daakodo ai i gaogao mommee o ssigidaumaha. Gilaadeu e unu uvaini a dangada ne hagao ai alaadeu muli, i lo te hale o delaadeu maadua.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 6:1

E vakaa naa gilaadeu e nnoho duadonu i Zion, ma gilaadeu e nnoho paba i honga de mounga go Samaria, goodou denga daane dau o de huaahenua e maolunga i denga huaahenua, go gilaadeu o de gau Israel e hulo aagena!

Amos 6:4

E vakaa naa gilaadeu e daakodo i honga denga moenga ivory, ma de nnoho i honga olaadeu seaa danuaa, ga gai ai kano o denga ssiibi gauligi mai i de hagabuulingaa ssiibi, aama kano o dama a denga kaau i lo te buibui manu.

Amos 6:6

Koe e unu denga uvaini i lodo boolo hoohonu, ma de hulu i lolo danuaa, aagai koe e dee daemaha naa donu i de maoha o Joseph.

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”