Isaiah 27:8 - De Beebaa Dabu

⁸ Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.

Isaiah 27:8 Iomraidhean Croise

De Beebaa go Job 23:6

E aha, ia e hai baasi mai naa gi de au i dono sauaa laumalie? E deai, ia e dee hagabaubau naa donu au.

Psalm 103:14

Go hiidinga ia e iloo odaadeu dagodo; ia e manadua bolo gidaadeu ni mama.

Psalm 103:9

Ia e dee hagabaubau i masavaa alodahi, gai e dee golo age donu dono lili ga hano ai.

Psalm 38:1

Tagi Maolunga, koe gi dee hagasee ina loo au i doo lili aabe gi haelea mai au i doo bole.

Psalm 6:1

Tagi Maolunga, koe gi dee hagaseegina loo au i doo lili, gai gi dee haelea mai au i doo bole.

Psalm 76:10

Ni muna abodonu, de llili o dangada e hidi mai ai doo tuhi, gai dangada e ola mai i de lili e dau adu naa gi de goe.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 54:7

Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 57:16

Au e dee hagabaubau donu ga hano ai, aabe e lili i masavaa alodahi, kana haia e au ga baageaa lodo o tangada — go de hagasaalunga o tangada aagu ne hai.

Isaiah 64:5

Koe e abodonu ange gi tangada e malangilangi i de hai de mee heohi, ma gilaadeu e manadua au hai haingaa mee. Aagai ga daulooloa huu demaadeu haisala ange gi mee nei, gai koe gu lili. Dee hee ai naa demaadeu hai e ola ai?

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.

Jeremiah 30:11

Gai au e noho naa donu madali goe ma de hagaola goe, go Tagi Maolunga e hagadaba. Gai ga hagallilo ina naa donu e au denga huaahenua alodahi, aagu gu hai oo dangada gi mavaevae saele aagena, aagai au e dee hai donu gi odi oo dangada i de llilo. Au e haele naa goe i de heohi; au e dee dugu naa donu huu goe, gai e hagaduasala donu goe.

Jeremiah 4:11

De masavaa laa gai e tala ange naa gi de huaadangada nei ma Jerusalem, “De madangi hagavvela e ssau mai naa i honga duuduu malaelae i de vao ga dau i dogu huaadangada, aagai e dee se madangi e nonu ai ma de hagagilimalali ai huamanu;

Jeremiah 4:27

E hagadaba Tagi Maolunga, “De henua alodahi e maoha naa ga ngadi dagodo, gai au e dee oha naa donu gi odi.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Lamentations 3:31

Go hiidinga de Ia Aamua e dee tili donu dahi dangada ga hano ai.

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.

Hosea 13:15

e dee galemu donu dono hagadagadaga age i magavaa o ono daina. Gai de madangi i dua mai i daho Tagi Maolunga e ssau mai naa i de vao; ono vai e deai naa vai iai, gai ono vai geli e maamasa naa. Goloa hagamogomogo alodahi i lodo ono mommee doange e gaiaadia naa.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

1 Peter 1:6

Goodou llodo danuaa i hiidinga o mee nei, e dee galemu donu goodou e hagaduasala iainei, i denga hagadaagangaa hagatale i dahi masavaa bodobodo.