Isaiah 26:2 - De Beebaa Dabu

² Huugea haitoga o de aduhale, e ulu mai ai de huaahenua heohi, go de huaahenua e hai hegau i de muna abodonu.

Isaiah 26:2 Iomraidhean Croise

Psalm 106:5

gai gi gidee ai e au de manuuia o dangada aau gu hili, gai au ga malangilangi ai madali doo huaahenua, ma de tuhi madali oo dangada.

Psalm 118:19

Huugea mai gi de au denga haitoga o de heohi, gai au ga ulu ai e hagadegi Tagi Maolunga.

Psalm 118:20

Deenei de haitoga o Tagi Maolunga; gai go gilaadeu e heohi e ulu ai.

Psalm 24:7

Denga haitoga o de aduhale, maahuge mai; denga abaaba madagidagi, maahuge mai, gai de Hodooligi o de mahamaha ga ulu mai.

Exodus 19:6

gai goodou e hai naa gi se nohoanga hodooligi o de gau haimeedabu niiogu gai se huaahenua dabu.’ Aanei au muna e tala ange gi de gau Israel.”

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

Isaiah 54:14

De aduhale e hagaduu naa i de heohi, gai de hagaduasala e mmao gee naa donu, gai goodou e dee maatagu naa donu i dahi mee daudahi. De mee hagamaatagu e kave naa donu gi mmao gee i goodou; e dee dai baabaa adu naa donu gi goodou.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Isaiah 58:8

Gai doo maalama e sula age naa bei de maalama o taiao, gai doo ieiangi e moolau naa donu de dae mai; doo heohi e hano naa i oo mada i mua, gai de mahamaha o Tagi Maolunga e buibui mai naa oo dua.

Isaiah 60:11

Oo haitoga e hhuge naa i masavaa alodahi, gai e dee pono donu i de laangi ma de boo; gai dangada ga gaamai ai gi de goe de lava o denga huaahenua, gai go olaadeu hodooligi e dagina mai gilaadeu.

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Isaiah 62:1

Au e dee hagapuni naa donu dogu ngudu i hiidinga o Zion, au e dee tuu naa donu dogu basa i hiidinga o Jerusalem, ga dae ai gi de sula age dono heohi bei de maalama o taiao, dono hagaola e bei de lama gu haula laa.

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

Isaiah 62:2

Gai denga huaahenua e gidee naa doo heohi, denga hodooligi alodahi e gidee naa doo mahamaha; gai koe e kave naa dahi ingoo hoou, go de ngudu donu o Tagi Maolunga e gaavadu doo ingoo.

Zechariah 8:20

E hagadaba Tagi o denga hagabuulinga hebagi: “Denga huaahenua ma dangada e nnoho i aduhale lagolago e loomai naa;

Acts 2:47

ma de tuhi de Maadua, gai dangada alodahi gu hagadubu gilaadeu. Gai Tagi Maolunga ga hagapuni ange hogi gi gilaadeu dangada gu hagamouli i laangi alodahi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

2 Peter 3:13

Aagai gidaadeu e tali de langi hoou ma henua i lalo hoou, gu lava laa i de hagatoo donu, go de mommee iai de heohi.

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.

Revelation 21:24

Gai denga huaahenua e seesee i dono maalama, gai denga hodooligi o henua i lalo e gaamai naa olaadeu goloa mahamaha gi de aduhale laa.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.