Isaiah 26:18 - De Beebaa Dabu

¹⁸ Gimaadeu ne hai tama, ma de mmae i omaadeu hagalangona, aagai ni ngadi madangi donu huu amaadeu ne haanau. Gimaadeu tee maua i de hagaola henua i lalo, gai dangada e nnoho i henua i lalo tee hagadee kii ina donu.

Isaiah 26:18 Iomraidhean Croise

2 Kings 19:3

Gai gilaadeu ne hai ange gi de ia, “E hagadaba Hezekiah, ‘Anailaa nei gai gidaadeu gu hai ngadaa, ma de dookaa, aama de hagangadi mee ina, gai gu bei de masavaa o de hine e hai ai ono hagalangona, gai gu deai ono mahi e haanau ai.

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Isaiah 33:11

Goodou ne hai tama i denga ngadi gili grain, gai ne haanau denga lau manu mmasa; gai de madangi i oodou manava e dudu naa goodou bei de ahi.

Isaiah 37:3

Gai gilaadeu ne hai ange gi de ia, “E hagadaba Hezekiah, ‘Anailaa nei gai gidaadeu gu hai ngadaa, ma de dookaa, aama de hagangadi mee ina, bei de masavaa o de hine e hai ai ono hagalangona, gai gu deai ono mahi e haanau ai.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Hosea 13:13

De mmae o de hine gu dai haanau gu tae mai gi Ephraim, aagai ia se dama e deai sono heiangi; de masavaa oona e haanau ai, aagai ia e dee doo mai i de haonga o de mommee o denga dama.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

1 John 5:19

Gidaadeu e iloo bolo gidaadeu ni dama donu nii de Maadua, aagai henua i lalo alodahi e dagodo i lalo ssauaa o de ia hagabaubau.

1 Samuel 11:13

Aagai a Saul ga hai ange, “E deai donu se dangada daudahi e daa gi magau ailaa nei, i hiidinga Tagi Maolunga gu hagaola Israel anailaa nei.”

1 Samuel 14:45

Aagai denga daane ne hai ange gi a Saul, “Gu aha gu daa ai Jonathan gi magau, gai ia gu hagaola de gau Israel? E dee maua donu! Gimaadeu e hagatoo donu i de mouli o Tagi Maolunga, bolo e deai donu se ngaangaaulu daudahi o dono biho e doo gi honga de gelegele; go hiidinga de Maadua ne hagahai hegau ia anailaa nei.” Gai denga daane ne hagaola Jonathan, ia tee daa gi magau.